இது வேற லெவல் பிரச்சாரம்.. உதய சூரியன் சின்னத்தோடு பாம்பன் கடலுக்கே போய்.. மதிமுக மீனவரணி அடடே

சென்னை: வாக்காளர்களைக் கவர உதய சூரியன் சின்னத்துடன் பாம்பன் கடலில் 6 மணிநேரம் மிதந்து வாக்கு கேட்டு மதிமுக தொண்டர்கள் நூதன பிரச்சாரம் செய்தனர்.

தமிழக சட்டமன்றத்தேர்தல் நெருங்கிவரும் நிலையில் அரசியல்கட்சியினர் மற்றும் சுயேட்சைகள் தீவிர தேர்தல் பிரச்சாரம் செய்துவருகின்றனர்.

ராமநாதபுரம் மாவட்டத்திலுள்ள 4 சட்டமன்றத்தொகுதிகளிலும் அனல்பறக்கும் பிரச்சாரம் நடந்து வருகிறது. இதனிடையே கட்சித்தொண்டர்கள் வாக்காளர்களைக்கவர நூதன பிரச்சாரங்களிலும் ஈடுபட்டுவருகின்றனர்.

அந்தவகையில் ராமநாதபுரம் தொகுதியில் திமுக வேட்பாளர் காதர்பாட்சா என்ற முத்துராமலிங்கம் வெற்றி பெற வேண்டி ராமேஸ்வரம் தீவுப்பகுதியிலுள்ள பாம்பனில் மதசார்பற்ற முற்போக்குக் கூட்டணிக்கட்சியான மதிமுக தொண்டர்கள் பிரச்சாரம் செய்ய முடிவு செய்தனர்.

மீனவரணி மாநில துணைச்செயலாளர் சின்னத்தம்பி தலைமையில் உதயசூரியன் சின்ன பதாகையை கையில் உயர்த்திப் பிடித்தபடி கடலில் 6 மணிநேரம் மிதந்து புதுமையான பிரச்சாரம்செய்தனர். இது மீனவமக்களிடையே வரவேற்பை பெற்றது.

English summary

MDMK volunteers campaigned for 6 hours by floating in the Pamban Sea for 6 hours with the symbol of the rising sun.