29 நாளில் 2வது முறை.. திடீரென முடங்கிய வாட்ஸ்அப் - இன்ஸ்டாகிராம்.. கொதித்துப்போன மக்கள்!

Updated: Thursday, April 4, 2024, 1:42 [IST]

Subscribe to Oneindia Tamil

சென்னை: இந்தியா உள்பட உலகம் முழுவதும் இன்று திடீரென்று வாட்ஸ்அப் மற்றும் இன்ஸ்டாகிராம் முடங்கின. கடந்த 29 வது நாளில் இது இரண்டாவது முறை என்பதால் நெட்டிசன்கள் கொதித்துப்போய் எக்ஸ் பக்கத்தில் மீட்டா நிறுவனத்தை திட்டி தீர்த்தனர்.

தற்போது நாம் அனைவரும் ஆன்ட்ராய்டு, ஐபோன்களை பயன்படுத்தி வருகிறோம். அதுமட்டுமின்றி பேஸ்புக், எக்ஸ், வாட்ஸ்அப், இன்ஸ்டாகிராம் என பல்வேறு சமூக வலைதள செயலிகளை பயன்படுத்தி வருகிறோம்.

இதில் அதிகமானவர்கள் மீட்டா நிறுவனத்தின் வாட்ஸ்அப் மற்றும் இன்ஸ்டாகிராமை பயன்படுத்தி வருகிறோம். இந்நிலையில் தான் இன்று இரவு சுமார் 11.45 மணிக்கு உலகம் முழுவதும் பலருக்கும் வாட்ஸ்அப், இன்ஸ்டாகிராம் பக்கங்கள் முடங்கின.

meta-owned-whatsapp-and-instagram-again-down-and-now-restored

அதாவது வாட்ஸ்அப், இன்ஸ்டாகிராம் பக்கங்கள் வழக்கத்தை விட மெதுவாக இயங்க தொடங்கியது. மேலும் வாட்ஸ்அப் மற்றும் இன்ஸ்டாகிராமில் பலராலும் உள்ளே நுழைய முடியவில்லை. டெஸ்க்டாப்பிலும் வாட்ஸ்அப்பை ஓபன் செய்ய முடியவில்லை. அதோடு டெஸ்க்டாப்பில் ஓபன் செய்திருந்த வாட்ஸ்அப்பும் Error என காட்டியது.

இதனால் நெட்டிசன்கள் கடும் கோபமடைந்தனர். மேலும் Whatsappdown எனும் ஹேஷ்டேக்கில் அவர்கள் தங்களின் பிரச்சனைகளை பதிவிட தொடங்கினர். மேலும் அந்த ஹேஷ்டேக்கில் மீட்டா நிறுவனத்தை திட்டி தீர்த்ததோடு, அந்த நிறுவனத்தை கிண்டல் செய்யும் வகையிலான போட்டோக்களை பதிவிட்டனர்.

இதையடுத்து உடனடியாக வாட்ஸ்அப் நிறுவனம், ‛‛சில மக்கள் வாட்ஸ்அப்பில் பிரச்சனையை எதிர்கொள்கின்றனர். இந்த பிரச்சனையை தீர்ப்பதற்கான பணிகள் நடந்து வருகிறது. 100 சதவீதம் அனைவரும் பயன்படுத்துவதற்கான நடவடிக்கை உடனடியாக செயல்படுத்தப்படும்'' என தெரிவித்தது. அதன்படி படிப்படியாக வாட்ஸ்அப், இன்ஸ்டாகிராம் மீண்டும் செயல்பட தொடங்கியது. இருப்பினும் எந்த காரணத்தினால் உலகம் முழுவதும் இந்த பிரச்சனை வந்தது என்பது தெரியவில்லை.

முன்னதாக கடந்த மாதம் 5ம் தேதி மெட்டா நிறுவனத்தின்ஃபேஸ்புக், இன்ஸ்டாகிராம், த்ரெட்ஸ் முடங்கின. ஃபேஸ்புக் பக்கத்தை திறந்தால் தானாகவே ‛லாக் அவுட்' ஆகிறது. இன்ஸ்டாகிராம் பக்கத்தை திறந்தால் முகப்பு பக்கம் தெரியாமல் உள்ளது. Refresh செய்தாலும் கூட Couldn't Refresh feed என வந்தது. அதன்பிறகு அந்த பிரச்சனை சரிசெய்யப்பட்டது. தற்போது 2வது முறையாக இந்த மாதமும் மெட்டா நிறுவனத்தின் வாட்ஸ்அப் மற்றும் இன்ஸ்டாகிராமில் பிரச்சனை ஏற்பட்டது. அதன்பிறகு பிரச்சனை சரி செய்யப்பட்டது. இந்நிலையில் தான் 29வது நாளில் 2வது முறையாக மீட்டா நிறுவனத்தின் வலைதள பக்கங்கள் பிரச்சனையை சந்தித்துள்ளன என்பது குறிப்பிடத்தக்கது.