விஜய் அப்படி நினைத்தால்.. எம்எல்ஏ-வாக கூட சட்டசபைக்கு வர முடியாது.. துரைமுருகன் வார்னிங்!

வேலூர்: திமுகவை ஒழிக்க நினைத்தால் தவெக தலைவர் விஜயால் சட்டசபைக்கு கூட வர முடியாது என்று அமைச்சர் துரைமுருகன் தெரிவித்துள்ளார். அதேபோல் ரஜினிகாந்தின் சீனியர்கள் தான் இயக்கத்தின் மிகப்பெரிய தூண்கள் என்ற பேச்சை பார்த்ததாக கூறிய துரைமுருகன், அவருக்கு தொலைபேசி மூலமாக அழைத்து ரொம்ப தேங்க்ஸ் ரஜினி என்று பேசியதாகவும் கூறியுள்ளார்.

அண்மையில் வேள்பாரி நாவல் ஒரு லட்சம் பிரதிகள் விற்பனையாகியது தொடர்பான பாராட்டு விழாவில் நடிகர் ரஜினிகாந்த் கலந்து கொண்டு பேசுகையில், கடந்த முறை புத்தக வெளியீட்டு விழா ஒன்றில் ஓல்டு ஸ்டூடண்ட்ஸ் பற்றி பேசினேன். அப்போது நான் கூறிய கருத்து ஒன்றுக்கு அனைவரும் சிரிக்க தொடங்கிவிட்டதால், அடுத்து சொல்ல வந்ததை மறந்துவிட்டேன். சீனியர்கள் இல்லாமல் எந்த இயக்கமும் இருக்க முடியாது.

வேலூரில் துரைமுருகன்

அனுபவமுள்ளவர்கள் தான் ஒரு இயக்கத்திற்கு தூண் போன்றவர்கள் என்று தெரிவித்தார். இதன் மூலமாக துரைமுருகன் பற்றி ரஜினிகாந்த் பேசிய சர்ச்சை முடிவுக்கு வந்தது. இந்த நிலையில் வேலூரில் உங்களுடன் ஸ்டாலின் திட்டம் சிறப்பு முகாம் இன்று தொடங்கியது. இந்த முகாமஒ அமைச்சர் துரைமுருகன் தொடங்கி வைத்தார்.

துரைமுருகன் பேட்டி

தொடர்ந்து அமைச்சர் துரைமுருகன் பேசுகையில், மாவட்ட ஆட்சியர் இங்கு வந்ததில் இருந்து சிறப்பாக வேலை செய்கிறார். அவர் மட்டும் பணியாற்றினால் போதாது. அவருடன் இருக்கும் அரசு அதிகாரிகளும் பணியாற்றினால் மட்டுமே மக்களுக்கு முழுமையாக அரசின் சேவைகள், திட்டங்கள் சென்று சேரும். மக்கள் அளிக்கும் மனுகள் மனுக்களாகவே இருக்கின்றன.

ரஜினிக்கு நன்றி

இனி உடனடியாக மக்களின் மனுக்களை பரிசீலனை செய்து நடவடிக்கை எடுக்க வேண்டும் என்று தெரிவித்தார். பின்னர் செய்தியாளர்களை சந்தித்த துரைமுருகனிடம் நடிகர் ரஜினிகாந்த் கருத்து தொடர்பாக கேள்வி எழுப்பப்பட்டது, அதற்கு அவர், நானும் அந்த வீடியோவை பார்த்தேன். அவரை செல்ஃபோனில் தொடர்புகொண்டு இந்த முறையாவது மறக்காமல் பேசினீர்களே.. ரொம்ப தேங்கஸ் சார் என்றேன் என்று தெரிவித்தார்.

விஜய்க்கு வார்னிங்

தொடர்ந்து, இந்த ஆட்சிக்காலம் முடிவதற்குள் திமுக செய்த தவறுகளை திருத்தி கொள்ள வேண்டும் என்ற விஜய் பேசியது தொடர்பான கேள்விக்கு, எங்களை கேள்வி கேட்க கூட விஜய் வர மாட்டாரா.. எங்களை ஒழிக்க நினைத்தால் சட்டசபைக்கு கூட விஜயால் வர முடியாது என்று பதில் அளித்துள்ளார். துரைமுருகனின் நக்கலான பேச்சு அக்கட்சியினரால் அதிகமாக பகிரப்பட்டு வருகிறது.

English summary

Minister Duraimurugan said that if Vijay aims to eliminate DMK, he may not even make it to the Assembly. He also thanked actor Rajinikanth over a phone call for calling seniors the pillars of any movement