“நம்பர் சொல்லுங்க.. அப்போதானே என்னனு சொல்ல முடியும்” எச்.ராஜாவுக்கு அமைச்சர் செந்தில் பாலாஜி ரிப்ளை!
சென்னை : பாஜக முன்னாள் தேசிய செயலாளர் எச்.ராஜா தனது ட்விட்டர் பக்கத்தில், ஒரு வாகனத்தின் புகைப்படத்தை பகிர்ந்து, கிறித்தவமயமான TNEB எனப் பதிவிட்டார். அவர் பகிர்ந்த புகைப்படத்தில், ஒரு வாகனத்தில் ஜீஜஸ் டிராவல்ஸ் என்றும், ஒரு ஓரத்தில் TNEB என்றும் குறிப்பிடப்பட்டுள்ளது.
மின்சார வாரிய வாகனத்தில் 'ஜீஜஸ் டிராவல்ஸ்' எனப் எழுதப்பட்டிருப்பதாக பாஜக முன்னாள் தேசிய செயலாளர் எச்.ராஜா சுட்டிக்காட்டி, திமுக அரசை அந்த ட்வீட்டில் விமர்சித்துள்ளார்.
எச்.ராஜாவின் இந்த ட்வீட்டுக்கு மின்சாரத்துறை அமைச்சர் செந்தில் பாலாஜி தனது ட்விட்டர் பக்கத்தில் பதிலளித்துள்ளார். அவரது ட்விட்டர் பதிவில், "ஏதோ காரணங்களால், வாகன பதிவு எண்ணை மறைத்து புகைப்படத்தை வெளியிட்டு இருக்கிறார் அண்ணன் எச்.ராஜா. வாகன எண் 0052 ஆக இருக்காது என நம்புகிறேன்.
வாகன எண்ணை கூறினால், அது ஒப்பந்த அடிப்படையிலான வாகனமா, ஊழியருடைய வாகனமா இல்லை வழக்கமான போட்டோஷாப் வேலையா என சொல்ல இயலும்" எனப் பதில் அளித்துள்ளார்.
மின்சார வாரியத்தின் அலுவலர்கள் பயன்படுத்தும் அரசு வாகனங்கள் 0052 எனும் பதிவு எண்ணைக் கொண்டவை. இந்த வாகனம் அந்த பதிவு எண்ணைக் கொண்ட அரசு வாகனமாக இருக்காது. மின் வாரியத்தில் பணியாற்றும் ஊழியர் ஒருவரின் சொந்த வாகனமாகவோ அல்லது ஒப்பந்த அடிப்படையிலான வாகனமாகவோ இருக்கலாம் என அமைச்சர் செந்தில் பாலாஜி குறிப்பிட்டுள்ளார்.
மேலும், போட்டோஷாப் செய்யப்பட்ட புகைப்படங்களை பகிர்ந்து வரும் பாஜகவினரை விமர்சிக்கும் வகையில், இது வழக்கமான போட்டோஷாப்பா என்பதையும் சொல்ல முடியும் என செந்தில் பாலாஜி தெரிவித்துள்ளார்.
பாஜக மூத்த தலைவர் எச்.ராஜாவுக்கு அமைச்சர் செந்தில் பாலாஜி அளித்துள்ள இந்த பதிலை திமுகவினர் மின்னல் வேகத்தில் பகிர்ந்து வருகின்றனர்.
Click it and Unblock the Notifications
Sign in with Google