கலர் கலரா சூட்கேஸ்... கவர் மீது அம்மா.. பகிரங்கமாக தரும் அமைச்சர்கள்.. அதுவும் சட்டசபையில்!

Updated: Tuesday, July 2, 2019, 16:31 [IST]

Subscribe to Oneindia Tamil

சென்னை: எல்லாரும் பார்க்கும்படியாகவே அமைச்சர்கள் சூட்கேஸ் தருகிறார்கள்.. அதுவும் சட்டசபையில்!

பொதுவாக சட்டசபையில் மானிய கோரிக்கை நடந்தால் அன்றைய தினம் விருந்து சாப்பாடு கமகமக்கும். ஆனால் இந்த முறை அமைச்சர்கள் எம்எல்ஏக்களுக்கு ஏதாவது கிப்ட் தந்து அசத்த வேண்டும் என்று நினைத்தார்கள்.

Ministers give Suitcase for all MLAs in TN Assembly

அதன்படி, ஒவ்வொருவரும் விதவிதமான பரிசுகளை வழங்க முடிவு செய்தனர். நேற்று வனத்துறை மீதான மானிய கோரிக்கை விவாதம் நடந்தது. அதனால் அமைச்சர் திண்டுக்கல் சீனிவாசன் எல்லாருக்கும் தன் சார்பாக திண்டுக்கல் தலப்பாக்கட்டி பிரியாணி வழங்கினார். கூடவே சிக்கன் பீஸ்களும் ஆர்டர் செய்தார்.

பின்னர், சுற்றுச்சூழல் துறை அமைச்சர் கேசி கருப்பணன் எல்லாருக்கும் ஒரு சூட்கேஸ் வழங்கினார். இப்படி தினம் தினம் அமைச்சர்கள் சூட்கேஸ்களை எம்எல்ஏக்களுக்கு தர போகிறார்களாம்.

இன்னும் 25 நாளைக்கு விவாதம் நடக்கபோகிறது, என்றால் 25 நாளும் சூட்கேஸ்கள் தரப்போகிறார்களா அல்லது வேறு ஏதேனும் தந்து இன்ப அதிர்ச்சி அளிக்க போகிறார்களா என தெரியவில்லை. ஆனால், தரப்பட்டுள்ள சூட்கேஸ்கள் அனைத்துமே காஸ்ட்லியாக உள்ளன. ப்ளு கலர், மெரூன் கலர் என கலர் கலராக இருக்கிறது.

அந்த சூட்கேஸ்களில் ஜெயலலிதா படம் பொறிக்கவும் அமைச்சர்கள் தவறவில்லை. இந்த மாசம் முடிவதற்குள் அமைச்சர்கள் என்னென்ன கிப்ட்களை எம்எல்ஏக்களுக்கு தந்து அசத்த போகிறார்கள் என்பதை பார்ப்போம்.