ஒரே நேர்க்கோட்டில் 6 கிரகங்கள்.. வெறும் கண்ணாலும் பார்க்க முடியும்! விஷயம் சொன்ன விஞ்ஞானிகள்

சென்னை: சூரிய குடும்பத்தில் உள்ள கோள்கள் நேர் கோட்டில் அமைது என்பது மிகவும் அரிதான ஒன்று. அப்படியான சம்பவம் விரைவில் நடக்க இருக்கிறது என விஞ்ஞானிகள் கூறியுள்ளனர்.

விண்வெளி நாம் நினைப்பதை விட பெரியது. நம்முடைய கற்பனைக்கும் அப்பாற்பட்டது. இன்னும் விளக்கமாக சொல்வதெனில், மனிதர்கள் தோன்றிய காலம் தொடங்கி தற்போது வரை விண்வெளியை புரிந்து கொள்ள முயன்று வருகின்றனர். ஆனால், இத்தனை ஆயிரம் ஆண்டுகளில் இன்னும் விண்வெளியை நாம் முழுமையாக புரிந்து கொள்ளவில்லை.

சோவியத் ரஷ்யா காலத்தில் விண்வெளிக்கு மனிதர்கள் அனுப்பப்பட்டனர். அது உலகம் முழுவதும் உள்ள சாமானிய மக்களுக்கும் விண்வெளி குறித்த ஆர்வத்தை ஏற்படுத்தியது. இதனால் சாதாரண மக்கள் கூட விண்வெளியை உற்று கவனிக்க தொடங்கியிருக்கின்றனர். இவர்களின் ஆர்வத்திற்கு தீனி போடும் விதமாக இன்று விண்வெளியில் முக்கிய மாற்றம் ஒன்று நிகழ இருக்கிறது.

அதாவது, நம்முடைய சூரிய குடும்பத்தில் இருக்கும் 6 கோள்கள் விரைவில் நேர்க்கோட்டில் வர இருக்கின்றன. இதில் 4 கோள்கள் வரை வெறும் கண்ணால் பார்க்க முடியும் என விஞ்ஞானிகள் கூறியுள்ளனர். இப்படி கோள்கள் நேர் கோட்டில் வருவது மிக அரிதான விஷயம் என்றும் அவர்கள் கூறியுள்ளனர்.

இது குறித்து விஞ்ஞானிகள் கூறுகையில், "நமது சூரிய குடும்பத்தில் 8 கோள்கள் இருக்கின்றன. இதில் 6 கோள்கள் ஒரே நேர்க்கோட்டில் தெரிய இருக்கிறது. இப்படி நிகழ்வது அவூர்வமான ஒன்றுதான். இதனை வெறும் கண்களால் பார்க்க முடியும் என்பதுதான் இதில் உள்ள சிறப்பு. புதன், செவ்வாய், வியாழன், சனி, யூரேனஸ் மற்றும் நெப்டியூன் ஆகிய கிரகங்கள் நேர்க்கோட்டில் வரும்.

இந்த நிகழ்வு ஏறத்தாழ அடுத்த வாரத்திலிருந்து தொடங்கிவிடும். இருப்பினும் மிகச்சரியாக இவை அனைத்தையும் பார்க்க வேண்டும் எனில் ஜூன் 3ம் தேதிதான் பொருத்தமான நாள். இந்த நாளில், 6 கோள்களில் புதன், செவ்வாய், வியாழன் மற்றும் சனி ஆகிய 4 கோள்களை வெறும் கண்களால் பார்க்க முடியும். மீதம் உள்ள 2 கோள்கைளை தொலைநோக்கி உதவியுடன் பார்க்கலாம்.

ஜூன் 3ம் தேதி சூரிய உதயத்திற்கு ஒரு மணி நேரத்திற்கு முன்னர் இதனை பார்க்கலாம். பூங்கா, கடற்கரை போன்ற பகுதிகளிலிருந்து இதனை பார்க்க முடியும். இருப்பினும் ஒளிமாசு குறைந்த இடத்திலிருந்து பார்த்தால் தெளிவாக பார்க்க முடியும்" என்று விஞ்ஞானிகள் கூறியுள்ளனர்.

English summary

It is very rare for the planets in the solar system to lie in a straight line. Scientists have said that such an event is going to happen soon.