கிளாமரை வைத்து ஜெயலலிதாவின் ஆட்சி ஓடி விட்டது.. ஸ்டாலின் பேச்சால் சர்ச்சை
ஜெயலலிதா பற்றி கிராம சபை கூட்டத்தில் ஸ்டாலின் சர்ச்சைக்குரிய வகையில் பேசினார்
சென்னை: ஜெயலலிதா உயிரோடு இருந்தவரை இப்படி ஒரு வார்த்தையை முக ஸ்டாலின் சொன்னதே இல்லை!
ஜெயலலிதாவை பற்றி எப்போது பேசினாலும் சரி, பிரச்சாரத்தின்போதும் சரி திமுக தலைவர் ஸ்டாலின் கடுமையான விமர்சனத்தை முன் வைப்பார். ஆனால் அப்போதெல்லாம் "ஜெயலலிதா அம்மையார்" என்ற பெயரை மட்டும் சொல்லி, அதிமுக ஆட்சி, மற்றும் ஊழலை விமர்சிப்பார்.
ஆனால் இப்போது ஒரு கிராம சபை கூட்டம் ஒன்றில் ஸ்டாலின் பேசும் வீடியோ வைரலாகி வருகிறது. அதில், ஜெயலலிதாவை பற்றி முக ஸ்டாலின் மக்களிடையே பேசுகிறார்.
"அம்மையார் ஜெயலலிதா அவர்கள் ஆட்சிக்கு வந்து திட்டங்களை செய்தார்களோ இல்லையோ, ஒழுங்கு பண்ணாங்களோ இல்லையோ, அதுபாட்டுக்கு.. அந்த அம்மா இருந்த வரையில், ஒரு கிளாமர்ல.. ஒரு லேடி.. ஒரு பெண்.. ஒரு முதலமைச்சரா இருக்கறாங்க அப்படின்ற ஒரு கிளாமர்ல அது ஓடுச்சு.." என்று பேசியுள்ளார்.
இது எந்த ஊர் கிராம சபை என்று தெரியவில்லை. ஆனால் ஜெயலலிதாவை கிளாமர் என்ற வார்த்தையை வைத்து 2 முறை பேசியது விமர்சனத்துக்கு உள்ளாகி உள்ளது. இன்று ஜெயலலிதா பிறந்த நாள் என்பதால் ஸ்டாலின் பேசிய இந்த குட்டி வீடியோ ட்விட்டரில் போட்டு வைரலாக்கி வருகின்றனர். அம்மையாரை எப்படி கிளாமர் என்று சொல்லலாம் என இதற்கு கண்டனம் கிளம்பி உள்ளது.
this is not an insult to J.Jayalalithaa, but for the people of Tamil Nadu. ☹️ pic.twitter.com/euALN3bXel
— Vishwatma 🇮🇳 (@HLKodo) February 23, 2019
ஆனால் "ஜெயலலிதாவை கிளாமர் அதாவது பெண் கவர்ச்சி என்ற அர்த்தத்தில் ஸ்டாலின் சொல்லவில்லை, ஒருவித ஈர்ப்பு என்ற தொனியில்தான் பேசி உள்ளார்" என்று இதற்கு ஆதரவான கமெண்ட்கள் குவிந்து வருகின்றன. எப்படி பார்த்தாலும் ஸ்டாலின் சொன்ன இந்த வார்த்தை புதுசாகத்தான் உள்ளது.
Click it and Unblock the Notifications
Sign in with Google