முதல்வராகும் ராசியே ஸ்டாலினுக்கு இல்லை.. முதல்வர் எடப்பாடி பழனிச்சாமி கேலி

சென்னை: முதல்வராகும் ராசியே ஸ்டாலினுக்கு இல்லை என்று முதல்வர் எடப்பாடி பழனிச்சாமி கூறியுள்ளார்.

2021 சட்டமன்ற தேர்தலின் இறுதி கட்ட பிரச்சாரம் சூடுபிடித்த நிலையில், முதல்வர் எடப்பாடி பழனிசாமி, எதிர்க்கட்சித் தலைவர் ஸ்டாலின் , கமல் உள்ளிட்ட தலைவர்கள் தங்களது பிரச்சாரத்தை தமிழகத்தின் பல்வேறு பகுதிகளில் தினமும் நடத்தி வருகின்றனர்.

இந்நிலையில் கிருஷ்ணகிரியில் பிரச்சாரத்தை மேற்கொண்டபோது முதல்வர் எடப்பாடி பழனிசாமி பேசுகையில், ஒருவர் முதல்வர் ஆவதற்கு ஒரு ராசி வேண்டும்., அந்த கொடுப்பினை ஸ்டாலினுக்கு இல்லை. அத்தோடு,ஸ உழைப்பின் நம்பிக்கை அனைத்தும் ஒருவருக்கு வேண்டும். நான் முதல்வராக இருப்பது ஸ்டாலினுக்கு எரிச்சலாக இருக்கிறது என்று ஸ்டாலினைக் கடுமையாக தாக்கிப் பேசினார்.

இயற்கை சீற்றங்களான புயல் மற்றும் வெள்ளம் வந்த நேரத்திலும், குறிப்பாக சமீபத்தில் உலகத்தையே உலுக்கிய கொரோனா நோய் தொற்றின் போது கூட தனது திறமையின் மூலம் நன்கு சமாளித்தார் முதல்வர் என்று அதிமுகவினர் பெருமையுடன் கூறுகின்றனர்.

ரஜினி அரசியலுக்கு வராதது, சசிகலா அரசியலை விட்டு ஒதுங்கியது, பாஜகவை கைக்குள் வைத்திருப்பது உள்ளிட்ட விஷயங்களால் முதல்வர் பக்கம் அதிர்ஷ்ட காத்து வீசிக் கொண்டிருப்பதாகவும் அதிமுகவினர் கூறுகின்றனர்.

English summary

DMK president MK Stalin has no luck to become CM, says CM Edappadi Palanisamy.