நாளை முதலமைச்சர் ஸ்டாலினின் 70வது பிறந்தநாள்! வண்டி வண்டியாக சென்னைக்கு படையெடுக்கும் திமுகவினர்!

70வது வயதில் அடியெடுத்து வைக்கும் முதலமைச்சர் ஸ்டாலின்.

Published: Tuesday, February 28, 2023, 11:19 [IST]

Subscribe to Oneindia Tamil

சென்னை: முதலமைச்சர் முக ஸ்டாலினின் 70வது பிறந்தநாள் நாளை கொண்டாடப்படும் நிலையில், தமிழ்நாடு முழுவதும் உள்ள திமுகவினர் சாரை சாரையாக சென்னையில் குவியத் தொடங்கியுள்ளனர்.

நாளைய தினம் காலை 8 மணி முதல் நண்பகல் 12 மணி வரை திமுக தொண்டர்களை சந்தித்து முதல்வர் ஸ்டாலின் வாழ்த்து பெறவிருக்கிறார்.

இதற்காக அண்ணா அறிவாலயத்தில் உள்ள கலைஞர் அரங்கத்தில் விஷேச ஏற்பாடுகள் செய்யப்பட்டு வருகின்றன.

ஸ்டாலின் பிறந்தநாள்

முதலமைச்சரும், திமுக தலைவருமான முக ஸ்டாலினின் 70வது பிறந்தநாளை முன்னெப்போதும் இல்லாத அளவுக்கு மிக விமரிசையாக கொண்டாட திட்டமிட்டுள்ளது திமுக தலைமைக் கழகம். திமுக பொதுச்செயலாளர் துரைமுருகன், பொருளாளர் டி.ஆர்.பாலு, முதன்மைச் செயலாளர் கே.என்.நேரு ஆகியோர் இதற்கான பணிகளை மேற்கொண்டு வருகின்றனர். ஸ்டாலின் 70வது பிறந்தநாள் பொதுக்கூட்டத்தில் அகில இந்திய தலைவர்களை பங்கேற்க வைப்பதற்கான பொறுப்பை டி.ஆர்.பாலு ஏற்று அதை செய்தும் முடித்திருக்கிறார்.

குவியும் திமுகவினர்

இதனிடையே முதலமைச்சர் ஸ்டாலின் நாளை முழுவதும் தனக்கு வாழ்த்துச் சொல்ல வருபவர்களை சந்திக்கவிருப்பதால், திமுக நிர்வாகிகளும், தொண்டர்களும் சென்னைக்கு இன்றே புறப்பட்டு விட்டனர். கட்சியினரை பொறுத்தவரை ஸ்டாலின் பிறந்தநாள் விழாவை ஒரு ஒன்றுகூடல் நிகழ்ச்சியாகவும், திருவிழாவை போலவும் கருதுவதால் அதை தவறவிட்டுக் கூடாது என்பதில் மிக உறுதியாக இருக்கின்றனர்.

வீட்டில் விஐபிக்கள்

முதலமைச்சர் ஸ்டாலினை அவரது குடும்ப உறவினர்கள் மற்றும் மிக நெருங்கிய விஐபிக்கள் மட்டுமே நாளை வீட்டில் சந்தித்து வாழ்த்துக் கூற முடியும். மற்றபடி சட்டமன்ற உறுப்பினர்கள், கட்சி நிர்வாகிகள், தொண்டர்கள் என அனைவரும் அண்ணா அறிவாலயத்தில் தான் வாழ்த்துக் கூற முடியும். அந்த வகையில் தான் நிகழ்ச்சி நிரல்கள் தயாரிக்கப்பட்டுள்ளன. இதனிடையே கட்சியின் முக்கிய நிர்வாகிகளுக்கு மட்டும் நாளை மதியம் முதல்வர் வீட்டில் விருந்து தரப்படும் எனத் தெரிவிக்கப்படுகிறது.

பொதுக்கூட்டத்துக்கு கூட்டம்

நாளை மாலை நடைபெறும் ஸ்டாலின் பிறந்தநாள் விழா பொதுக்கூட்டத்துக்கு கூட்டம் சேர்க்கும் பொறுப்பை அமைச்சர்கள் மா.சுப்ரமணியன் மற்றும் சேகர்பாபு ஆகியோர் கவனித்து வருகின்றனர்.

Published On February 28, 2023