தமிழ் கடவுள் முருகனின் வாகனம் மயிலுக்கு உணவு கொடுக்கும் மோடி - வீடியோ செம வைரல்

தமிழ் கடவுள் முருகனின் வாகனமான மயிலுக்கு பிரதமர் மோடி உணவு கொடுத்து கொஞ்சும் வீடியோ செம வைரலாகி வருகிறது.

சென்னை: தமிழ் கடவுள் முருகனின் வாகனமான மயிலோடு தனக்கு இருக்கும் பந்தம் நேசம் குறித்த வீடியோவை பதிவிட்டுள்ளார் பிரதமர் மோடி. இந்த வீடியோவை அவர் பதிவிட்ட சில மணி நேரத்தில் லட்சக்கணக்கானோர் அதைப் பார்த்தும் பகிர்ந்தும் உள்ளனர்.

பிரதமர் வசிக்கும் லோக் கல்யாண் மார்க் இல்லத்தில் மோடி மயில்களை வளர்த்து வருகிறார். மயிலுக்காக பிரதமர் மோடி தனது வீட்டில் சில கட்டமைப்புகளை அமைக்கச் செய்துள்ளார். பறவைகள் கூடு கட்ட ஏதுவாக இருக்கும் என்பதற்காகக் குறிப்பிட்ட கட்டமைப்புகள் உருவாக்கப்பட்டுள்ளது.

மோடி தனது ட்விட்டர் பக்கத்தில் ஞாயிற்றுக்கிழமை பதிவிட்ட பதிவில், ஹிந்தி மொழியில் ஒரு கவிதையுடன் மயிலோடு இருக்கும் வீடியோவையும் பதிவிட்டிருந்தார்.

இந்த வீடியோவை தனது ட்விட்டரில் மட்டுமின்றி, இன்ஸ்டாகிராம், ஃபேஸ்புக்கிலும் மோடி பதிவிட்டிருக்கிறார். மயிலை ரசிக்கும் மோடியின் மனதில் பிறந்த கவிதையை எழுதி இந்த வீடியோவையும் பதிவிட்டிருக்கிறார்.

வாக்கிங் செல்லும் மோடி கூடவே தோகை விரித்து நடனமாடும் மயில் என ரசிக்க வைக்கிறது. மயில்களுக்கு உணவுக் கொடுப்பது, அதனுடன் விளையாடுவது போன்றவைகளையும் இந்த வீடியோவில் சில போட்டோக்களும் இணைக்கப்பட்டுள்ளன.

மோடி இந்த வீடியோ பதிவோடு மயிலின் பெருமைகளை விளக்கும் ஒரு கவிதையையும் பதிவிட்டுள்ளார். கண்ணனின் புல்லாங்குழல் இசையையும் தனது கவிதையில் கூறியுள்ளார் மோடி. பிரதமர் மோடி பருவ நிலை மாற்றம் குறித்து 2 புத்தகங்களை எழுதியுள்ளார். இதன் மூலம், இயற்கையின் மீது அதிக அக்கறை கொண்டவராக மோடி இருக்கிறார்.

கந்த சஷ்டி கவசம், வேல் பூஜை என தமிழக பாஜகவினர் தமிழ் கடவுள் முருகன் பக்கம் கவனத்தை திருப்பியுள்ள நிலையில் மோடி தமிழ் கடவுள் முருகனின் வாகனமான மயிலுக்கு உணவு கொடுக்கும் வீடியோ பதிவிட்டுள்ளார் என்பது குறிப்பிடத்தக்கது.

English summary

Prime Minister Modi has set up some structures in his house for the peacock. Birds tend to build nests.Specific structures have been created for.With this video recording, Modi has also posted a poem explaining the pride of the peacock.