நாட்டுப்பற்று மிக்க நடிகர் தான் அஜித்.. படத்தை பகிர்ந்து பாராட்டிய அர்ஜூன் சம்பத்.. பின்னணி இதுதான்

சென்னை: ‛‛நடிகர்கள் விளம்பரம், வசூலை நோக்கி ஓடும் வேளையில் நாட்டுப்பற்று மிக்க நடிகராக அஜித் உள்ளார்'' என இந்து மக்கள் கட்சியின் நிறுவன தலைவர் அர்ஜூன் சம்பத் பாராட்டியுள்ளார்.

தமிழ் திரையுலகில் முன்னணி நடிகராக இருப்பவர் அஜித். இவர் திரைப்பட சூட்டிங் இல்லாத காலத்தில் இந்தியாவின் பல்வேறு இடங்களுக்கும், வெளிநாடுகளிலும் பயணம் செய்வதை வாடிக்கையாக கொண்டுள்ளார்.

இதுதொடர்பான படங்கள் அவ்வப்போது இணையதளங்களில் வெளியாகி ரசிகர்களை குஷிப்படுத்தும். அந்த வகையில் தான் தற்போது நடிகர் அஜித் வடஇந்தியாவில் சுற்றுப்பயணம் செய்து வருகிறார்.

ஏகே 61 படப்படிப்பு

நடிகர் அஜித் குமார் வலிமை திரைப்படத்தை தொடர்ந்து இயக்குனர் வினோத் இயக்கத்தில் உருவாகி வரும் புதிய படத்தில் நடித்து வருகிறார். இந்த படத்துக்கு இன்னும் பெயரிடப்படவில்லை. இதனால் AK61 என அந்த படம் அழைக்கப்பட்டு வருகிறது. இதில் அஜித்திற்கு ஜோடியாக நடிகை மஞ்சு வாரியர் நடித்து வருகிறார். இப்படத்திற்கான படப்பிடிப்பு பணிகள் தீவிரமாக நடைபெற்று வருகிறது.

பைக் ரைட் செய்யும் அஜித்

இந்நிலையில் நடிகர் அஜித் படப்பிடிப்புக்கு மத்தியில் ப்ரீயாக இருக்கும் நேரத்தில் பைக்கில் ரைட் செல்வதை வழக்கமாக கொண்டுள்ளார். இந்தியா உள்பட வெளிநாடுகளில் அவர் தனக்கு சூட்டிங் இல்லாத வேளையில் வாகன பயணம் மேற்கொண்டு வருவதை வாடிக்கையாக வைத்துள்ளார். இதுதொடர்பான படங்கள் அவ்வப்போது இணையதளங்களில் வெளியாகி ரசிகர்களால் கொண்டாடப்பபடும்.

கார்கில் நினைவிடத்தில் மரியாதை

அந்த வகையில் அவர் தற்போது காஷ்மீர், லடாக், இமாச்சலப்பிரதேசம், பஞ்சாப் மாநிலங்களில் தற்போது பைக் பயணம் மேற்கொண்டு வருகிறார். இந்நிலையில் லடாக் சென்றுள்ள அஜித் பைக்கில் வலம் வருகிறார். கார்கில் நினைவிடத்துக்கு சென்ற அஜித் உயிர் நீத்த வீரர்களுக்கு அஞ்சலி செலுத்தினார். பின்னர் ராணுவ வீரர்களுடன் புகைப்படம் எடுத்து கொண்டார். இந்த படங்கள் இணையதளங்களில் வேகமாக பரவி வருகிறது.

அஜித்தை பாராட்டிய அர்ஜூன் சம்பத்

இந்நிலையில் தான் நடிகர் அஜித்தை இந்து மக்கள் கட்சியின் நிறுவன தலைவர் அர்ஜூன் சம்பத் பாராட்டியுள்ளார். அதாவது கார்கில் நினைவிடத்தில் நடிகர் அஜித் மரியாதை செலுத்திய படங்களை ட்வீட்டர் பக்கத்தில் அர்ஜூன் சம்பத் பதிவிட்டதோடு, ‛‛கார்கில் வீரர்களின் நினைவிடத்துக்கு சென்று மரியாதை செலுத்திய அஜித்குமாரை பாராட்டுகிறேன். விளம்பரம், வசூலை நோக்கி ஓடும் நடிகர்கள் மத்தியில் நாட்டுப்பற்று மிக்க ஒரு நடிகரை பார்ப்பது மிகவும் மகிழ்ச்சியை ஏற்படுத்துகிறது'' என கூறியுள்ளார்.

English summary

Ajith is a patriotic actor while actors are running towards publicity and collection'', praised Arjun Sampath, founder of the Hindu Makkal Katchi.