தமிழகத்தில் உள்ள திமுக- காங்கிரஸ் எம்பிக்கள் காதறுந்த ஊசிகள்.. வெளிநடப்புதான் செய்யலாம்.. தமிழிசை!

Published: Saturday, June 1, 2019, 9:52 [IST]

Subscribe to Oneindia Tamil

மோசமான தோல்வி

பாஜக வேட்பாளர்கள் தங்களை எதிர்த்து போட்டியிட்ட எதிர்க்கட்சி வேட்பாளர்களிடம் கொஞ்சம் கூட போட்டி கொடுக்காமல் மிக எளிதாக லட்சக்கணக்கான வாக்குகள் வித்தியாசத்தில் மோசமாக தோல்வியடைந்தனர்.

அதிமுக எம்பி

பாஜக கூட்டணிக்கு தமிழகத்தில் ஒரே ஒரு இடம் தான் கிடைத்தது. அதுவும் ஆளும் அதிமுகவுக்கு தான். தேனி தொகுதியில் வெற்றி பெற்ற துணை முதல்வர் ஓபிஎஸின் மகன் ஓபி ரவீந்திரநாத்தான் அந்த எம்பி.

அமைச்சரவையில் வாய்ப்பு

இதைத்தொடர்ந்து மத்திய அமைச்சரவையில் அதிமுகவுக்கு இடம் கொடுக்கப்படும் என பெரிதும் எதிர்ப்பார்க்கப்பட்டது. ராஜ்ய சபா எம்பி வைத்தியலிங்கம் மற்றும் லோக்சபா எம்பி ரவீந்திரநாத் ஆகியோரின் பெயர்கள் அடிப்பட்டன. ஆனால் இருவருக்குமே இடமளிக்கப்படவில்லை.

பத்திரிக்கை செய்தி

அமைச்சரவை விரிவாக்கத்தின் போது இடம் கொடுக்கப்படலாம் என கூறப்படுகிறது. இந்நிலையில் தமிழகத்தில் வெற்றிபெற்ற எம்பிக்கள் குறித்து நாளிதழ் ஒன்றில் பவர்ஃபுல் பார்லிமென்டேரியன்கள் என்ற தலைப்பில் செய்தி வெளியானது.

காதறுந்த ஊசிகள்

இதுகுறித்து தமிழக பாஜக தலைவர் தமிழிசை தனது டிவிட்டர் பக்கத்தில் கருத்து தெரிவித்துள்ளார். அதில் காதறுந்த ஊசிகள் தைக்கப்பயன்படுமா? வேண்டுமானால் குத்திப்பார்க்கலாம். இதுதான் தமிழகத்தில் வெற்றி பெற்ற எம்பிக்களின் நிலைமை.

காதறுந்த ஊசிகள்?தைக்கப்பயன்படுமா?குத்திப்பார்க்கலாம்?அவ்வளவுதான்?இதுதான் தமிழகத்தில் வெற்றி பெற்ற எம்பிக்களின் நிலைமை.?குரல் கொடுக்கலாம்?வெளிநடப்பு செய்யலாம்?கோரிக்கை மனு கொடுத்து படம் காட்டலாம்?அவ்வளவே ஆணையிடும் அதிகாரம் யாரிடம்?இருந்தாலும் தமிழகத்தின் தேவைகளை பாஜக நிறைவேற்றும் pic.twitter.com/5pKi6PmGPH
— Dr Tamilisai Soundararajan (@DrTamilisaiBJP) June 1, 2019

வெளிநடப்பு செய்யலாம்

குரல் கொடுக்கலாம், வெளிநடப்பு செய்யலாம், கோரிக்கை மனு கொடுத்து படம் காட்டலாம். அவ்வளவுதான் செய்யமுடியும். ஆனால் ஆணையிடும் அதிகாரம் யாரிடம் உள்ளது? இருந்தாலும் தமிழகத்தின் தேவைகளை பாஜக நிறைவேற்றும். இவ்வாறு தமிழிசை தனது டிவிட்டர் பக்கத்தில் தெரிவித்துள்ளார்.

Published On June 1, 2019