நாகாலாந்து ஆளுநர் இல.கணேசனின் சகோதரர் இல. கோபாலன் காலமானார்! முதல்வர் ஸ்டாலின் இரங்கல்!
சென்னை: நாகாலாந்து ஆளுநர் இல.கணேசனின் சகோதரர் இல. கோபாலன் இன்று காலமானார். வயது மூப்பு மற்றும் உடல்நலக்குறைவால் இல.கோபாலன் (83) காலமானார்.
நாகாலாந்து மாநில ஆளுநராகப் பணியாற்றி வருகிறார் இல.கணேசன். முன்னதாக மணிப்பூர் மாநில ஆளுநராகவும், மேற்கு வங்க மாநில பொறுப்பு ஆளுநராகவும் பணியாற்றினார். பாஜகவில் மாநில தலைவர், தேசிய செயலாளர், தேசிய துணைத் தலைவர் உள்ளிட்ட பல்வேறு பொறுப்புகளை வகித்துள்ள இல கணேசன், நாடாளுமன்ற மாநிலங்களவை உறுப்பினராகவும் செயல்பட்டுள்ளார்.
நாகாலாந்து ஆளுநரான இல.கணேசனின் சகோதரர் இல.கோபாலன். இல.கோபாலனின் சதாபிஷேக விழா (80வது பிறந்தநாள் விழா) கடந்த 2022 ஆம் ஆண்டு நவம்பரில் சென்னையில் நடைபெற்றது. இந்த விழாவில் தமிழக முதல்வர் மு.க.ஸ்டாலின், மேற்கு வங்க ஆளுநர் மம்தா பானர்ஜி, புதுச்சேரி ஆளுநர் தமிழிசை சௌந்தரராஜன், நடிகர் ரஜினிகாந்த், அதிமுக சார்பில் முன்னாள் அமைச்சர் பாண்டியராஜன், தமாகா தலைவர் ஜி.கே.வாசன் உள்ளிட்ட பலர் பங்கேற்றிருந்தனர்.
இந்நிலையில், இல.கோபாலன் தனது 83வது வயதில் இன்று காலமானார். வயது மூப்பு மற்றும் உடல்நலக்குறைவால் இல.கோபாலன் (83) காலமானார். இல.கோபாலனின் உடல் சென்னை தியாகராய நகரில் உள்ள அவரது இல்லத்தில் அஞ்சலிக்காக வைக்கப்பட்டுள்ளது.
இல.கோபாலன் மறைவு, அவரது உற்றார் உறவினர், நண்பர்கள் மற்றும் பாஜகவினர் மத்தியில் சோகத்தை ஏற்படுத்தி உள்ளது. இல.கோபாலன் மறைவுக்கு தமிழக முதல்வர் ஸ்டாலின் இரங்கல் தெரிவித்துள்ளார்.
முதல்வர் ஸ்டாலின் வெளியிட்டுள்ள இரங்கல் செய்தியில், “நாகாலாந்து ஆளுநர் மாண்புமிகுஇல.கணேசன் அவர்களின் அண்ணன் இல.கோபாலன் அவர்கள் இன்று (08-01-2025) காலை மறைந்த செய்தியறிந்து வேதனையடைந்தேன். தலைவர் கலைஞர் மீதும் என் மீதும் மாறாத பற்று கொண்ட இல.கணேசன் அவர்களுக்கு ஏற்பட்டுள்ள இழப்பினால் அவரைப் போன்றே நானும் வருந்துகிறேன். உடன்பிறந்த அண்ணனை இழந்து தவிக்கும் அவருக்கு எனது ஆழ்ந்த இரங்கலையும் ஆறுதலையும் தெரிவித்துக் கொள்கிறேன்." எனத் தெரிவித்துள்ளார்.
Click it and Unblock the Notifications
Sign in with Google