ஆறுதல்.. பெட்ரோல், டீசல் விலையில் இன்று மாற்றம் இல்லை.. நேற்றைய விலையில் விற்பனை.. நிலவரம் என்ன?

சென்னை: சென்னையில் இன்று பெட்ரோல் டீசல் விலையில் மாற்றம் இல்லை. நேற்று விற்பனை செய்யப்பட்ட அதே விலையில் இன்று பெட்ரோல், டீசல் விற்கப்படுகிறது.

இந்தியாவில் கடந்த இரண்டு வாரமாக பெட்ரோல், டீசல் விலை தொடர்ந்து அதிகரித்து வருகிறது. இந்தியாவில் கடந்த 17 நாட்களுக்கு முன் முதல் முறையாக பெட்ரோல், டீசல் விலை உயர்த்தப்பட்டது.

அதன்பின் தினமும் பெட்ரோல் டீசல் விலை உயர்த்தப்பட்டது. பெட்ரோல், டீசல் விலையை எண்ணெய் நிறுவனங்களே உயர்த்திக்கொள்ள அனுமதி அளிக்கப்பட்டுள்ள நிலையில்தான் விலை வேகமாக உயர்ந்து வருகிறது. கச்சா எண்ணெய் விலை குறைந்து வரும் பட்சத்திலும் இந்தியாவில் எரிபொருள் விலை அதிகரித்து வருவது அதிர்ச்சியை ஏற்படுத்தி உள்ளது.

இந்த 17 நாட்களில் 3 நாட்கள் தவிர மற்ற 14 நாட்கள் பெட்ரோல் டீசல் விலை உயர்த்தப்பட்டு உள்ளது.

தினமும் 30 - 80 பைசா வீதம் பெட்ரோல், டீசல் விலை உயர்த்தப்பட்டு வருகிறது. கடந்த 17 நாட்களில் இதுவரை பெட்ரோல் விலை 9.56 ரூபாய் உயர்த்தப்பட்டுள்ளது. டீசல் விலை 9.86 ரூபாய் உயர்த்தப்பட்டுள்ளது.

மும்பையில் பெட்ரோல் விலை லிட்டர் 121 ரூபாயை தாண்டி உள்ளது. டீசல் விலை 104 ரூபாயை தாண்டி உள்ளது. சென்னையில் இன்று பெட்ரோல் டீசல் விலையில் மாற்றம் இல்லை. நேற்று விற்பனை செய்யப்பட்ட அதே விலையில் இன்று பெட்ரோல், டீசல் விற்கப்படுகிறது.

சென்னையில் பெட்ரோல் லிட்டருக்கு ரூ.110.85க்கு விற்பனை செய்யப்படுகிறது. டீசல் லிட்டருக்கு ரூ.100.94க்கு விற்பனை செய்யப்படுகிறது.

டெல்லியில் பெட்ரோல் ஒரு லிட்டர் ரூபாய் 105.41 விற்கப்படுகிறது. அதேபோல் டீசல் ஒரு லிட்டர் ரூபாய் 96.67 க்கு விற்கப்படுகிறது.

English summary

No Change in Petrol, Diesel prices today: What is the rate in Chennai? சென்னையில் இன்று பெட்ரோல் டீசல் விலையில் மாற்றம் இல்லை