செம ட்விஸ்ட்.. தவெகவிற்கு அதிமுக ஆதரவு கிடையாது.. எடப்பாடி பழனிச்சாமி உடனான ஆலோசனைக்கு பிறகு முடிவு
சென்னை: ''பிரேக்கிங் செய்திகளில் வெளிவரும் தகவல்கள் முற்றிலும் தவறானவை. அதிமுக மிகப்பெரிய இயக்கம். எந்த சூழ்நிலையிலும் அதிமுக, தவெகவிற்கு ஆதரவு தெரிவிக்கவில்லை'' என்று அதிமுகவின் கேபி முனுசாமி கூறியுள்ளார். சென்னையில் எடப்பாடி பழனிசாமியுடன் நடந்த ஆலோசனைக்கு பிறகு அவர் உறுதி செய்துள்ளார்.
இதுபற்றி கேபி முனுசாமி கூறியதாவது: ''பிரேக்கிங் செய்திகளில் வருவது முற்றிலும் தவறான செய்திகள். அதிமுக மிகப்பெரிய இயக்கம். எம்ஜிஆரால் உருவாக்கப்பட்டு ஜெயலலிதாவால் காப்பாற்றப்பட்டு எடப்பாடி பழனிச்சாமியால் சீரோடு சிறப்பாகவும் செயல்பட்டு வருகிறது. எந்த சூழல்நிலையிலும் அதிமுக, தவெகவிற்கு ஆதரவு தெரிவிக்கவில்லை என்பதை எடப்பாடி பழனிச்சாமி சார்பில் தெரிவித்து கொள்கிறேன்'' என்றார்.
இந்த சமயத்தில் பத்திரிகையாளர், ''தவெகவிடம் இருந்து அழைப்பு வந்ததா?'' என்று கேள்வி கேட்டனர். அதற்கு கேபி முனுசாமி, ''நன்றி வணக்கம்'' என்று கூறிவிட்டு சென்றார். இதன்மூலம் தவெகவிற்கு, அதிமுகவின் ஆதரவு இல்லை என்பது உறுதி செய்யப்பட்டுள்ளது.
Click it and Unblock the Notifications
Sign in with Google