“தமிழ்நாட்டுக்கு ஒரு சொட்டு தண்ணீர்கூட வராது”..மேக்கேதாட்டு அணையால் வரும் பேராபத்து..சௌமியா அன்புமணி

சென்னை: தமிழக சட்டமன்றத்தில் 2026 - 2027 ஆம் ஆண்டுக்கான பட்ஜெட் மீதான விவாதம் நடைபெற்று வருகிறது. மேக்கேதாட்டு அணை கட்டுவதால் தமிழகத்திற்கு வரும் ஆபத்துகள் குறித்து பாமக எம்எல்ஏ செளமியா அன்புமணி விரிவாகப் பேசினார்.

சட்டப்பேரவையில் பாமக எம்எல்ஏ சௌமியா அன்புமணி பேசியதாவது: ஆண்டுக்கு 750 டிஎம்சி தண்ணீர் காவிரியில் வருகிறது. அதில் கர்நாடகவுக்கு 285 டிஎம்சி க்கு மட்டுமே உரிமை. ஆனால், தமிழகத்திற்கு 404 டிஎம்சிக்கு மேல் உரிமை இருக்கிறது. அது குறைந்து குறைந்து தொடர்ந்து பேச்சுவார்த்தை மூலம் 175.25 டிஎம்சியாகவும், பாண்டிச்சேரிக்கு 7 டிஎம்சி, கேரளாகவுக்கு 30 டிஎம்சி தர வேண்டும். தமிழகத்திற்கான தண்ணீரை மாதம் மாதம் அட்டவணை போட்டு கொடுத்திருக்க வேண்டும். ஆனால், இதுவரை அப்படி தரவில்லை.

ஜூன் மாதம் தமிழகத்திற்கு 9.18 டிஎம்சி தண்ணீரைத் திறந்திருக்க வேண்டும். ஆனால், வெறும் 2 டிஎம்சி தண்ணீரை மட்டுமே திறந்து விட்டது. ஜூலை மாதத்தில் 31.24 டிஎம்சி தண்ணீர் திறந்துவிட்டிருக்க வேண்டும். ஆனால், 1 டிஎம்சிக்கும் குறைவான தண்ணீரே கர்நாடகத்தில் இருந்து திறந்து விடப்பட்டிருக்கிறது. சட்டத்தையோ, தார்மீக நடவடிக்கையையோ, காவிரி ஆணையத்தின் தீர்ப்பை, உச்சநீதிமன்றத்தின் தீர்ப்பை கர்நாடக அரசு மதிக்கவே இல்லை.

அதனால் தான் குறுவை சாகுபடியும், விவசாயிகளும் பாதிக்கப்பட்டுள்ளனர். வயநாட்டில் பலத்த பெய்த மழையால் கபினியின் அணை நிறைந்ததால் உபரி நீரைத்தான் ஆடிப்பெருக்கன்று திறந்துவிட்டிருக்கின்றனர் என்று கூறினார். தொடர்ந்து மேக்கேதாட்டு அணை கட்டுவதால் தமிழ்நாட்டிற்கு வரப்போகும் பேராபத்து குறித்து விரிவாகப் பேசினார்.

அவர் பேசுகையில், மேக்கேதாட்டு அணை தமிழ்நாட்டில் இருந்து 4 கி.மீ. தொலைவில்தான் கர்நாடக அரசு கட்டப்போகிறது. கிருஷ்ணகிரி, தருமபுரி எல்லையிலேயே 4 கி.மீ. தொலைவில் மேக்கேதாட்டு அணையைக் கட்டத் திட்டமிட்டிருக்கின்றனர். ஏனென்றால் ஒரு சொட்டு தண்ணீர்கூட தமிழ்நாட்டுக்கு வரக்கூடாது என்பதற்காகத்தான்.

வரக்கூடிய தண்ணீர் அனைத்தையும் அனைத்து அணைகளிலும் சேமித்துவிட்டு, மேக்கேதாட்டுவில் 70 டிஎம்சி நீரையும் சேமித்து தமிழ்நாட்டுக்கு ஒரு சொட்டு தண்ணீர்கூட வரக்கூடாது என்பதற்காகத்தான் தமிழ்நாட்டுக்கு மிக அருகில் அணை கட்டுகின்றனர். இந்த அணை கட்டப்பட்டால் 3 வனவிலங்கு சரணாலயங்கள் அணைக்கு கீழே சென்றுவிடும்.

12,500 ஏக்கர் காடுகள் அழிந்துவிடும். இதன் மூலம், 700 ஆண்டுகள் பழைமையான நீர்மருந்து மரங்கள் தண்ணீர் சென்றுவிடும். நீர்நாய், 4 கொம்பு மான் போன்றவை அனைத்தையும் அழித்துவிட்டுத்தான் மேக்கேதாட்டு அணையைக் கட்டவுள்ளனர். சுற்றுச்சூழல் பாதிப்பு மிகப்பெரிய அளவில் இருக்கும். இதற்காக நாம் சுற்றுச்சூழல் பாதிப்பு குறித்து நிறைய வழக்குகள் தொடுத்து, அணை கட்டப்படுவதை நாம் நிறுத்த வேண்டும். எனவே, அனைத்துக் கட்சிக் கூட்டத்தை
நாம் அனைவரும் ஒத்த முடிவோடு டெல்லிக்கு செல்ல வேண்டும் என்று பேசினார்.

English summary

A debate on the budget for the years 2026–2027 is currently underway in the Tamil Nadu Legislative Assembly. PMK MLA Sowmya Anbumani spoke at length about the dangers Tamil Nadu faces due to the construction of the Mekedatu dam.