பாஜக மட்டும் இல்லை.. அதிமுக எதிர்ப்பிலும் உறுதியாக இருக்கிறோம்.. அழுத்தமாக சொல்லும் கே.பாலகிருஷ்ணன்

Updated: Friday, September 29, 2023, 19:50 [IST]

Subscribe to Oneindia Tamil

சென்னை: இந்தியா கூட்டணியில் பிரதமர் வேட்பாளரை தேர்வு செய்வது அரை மணி நேர வேலை தான் என்றும், பாஜக மட்டுமின்றி அதிமுகவை எதிர்ப்பதிலும் நாங்கள் உறுதியாக இருக்கிறோம் என்றும் சிபிஎம் மாநில செயலாளர் கே.பாலகிருஷ்ணன் கூறியுள்ளார்.

பாஜக கூட்டணியில் இருந்து விலகுவதாக அதிமுக அறிவித்துள்ளது. பேரறிஞர் அண்ணா பற்றியும், அதிமுக தலைவர்கள் பற்றியும் பாஜக மாநிலத் தலைவர் அண்ணாமலை பேசி வந்தது அதிமுகவினரிடையே கொந்தளிப்பை ஏற்படுத்திய நிலையில், பாஜக கூட்டணியில் இருந்து விலகுவதாக அதிமுக அதிரடியாக அறிவித்தது. வரும் லோக்சபா தேர்தல் மட்டும் இன்றி 2026 சட்டமன்ற தேர்தலிலும் பாஜகவுடன் கூட்டணி கிடையாது என அதிமுக அறிவித்தது.

Not only BJP, we are firm against AIADMK too says CPM

இது பாஜக மேலிடத்திற்கு சற்று அதிர்ச்சியை கொடுப்பதாக அமைந்தது. பாஜக மீண்டும் கூட்டணி வைக்க ஆர்வம் காட்டுவதாகவும் ஆனால், அதிமுக தலைமை பாஜகவின் அழைப்புகளை நிராகரித்து வருவதாகவும் அரசியல் வட்டாரத்தில் பேசப்படுகிறது. பாஜக- அதிமுக கூட்டணி முறிந்தாலும் அரசியலில் நடந்து வரும் அடுத்தடுத்த நகர்வுகள் பெரும் பரபரப்பை தந்து கொண்டிருக்கிறது..

பாஜக கூட்டணியில் இருந்து அதிமுக விலகியிருப்பதால் தமிழகத்திலும் கூட்டணி மாறலாம் என்று சொல்லப்படுகிறது. குறிப்பாக திமுக கூட்டணியில் உள்ள சில கட்சிகள் அதிமுக பக்க தாவலாம் என்றும் அரசியல் வட்டாரத்தில் மிகவும் பரபரப்பாக பேசப்படுகிறது. விடுதலை சிறுத்தைகள் கட்சி, கம்யூனிஸ்ட் கட்சிகள் அதிமுக கூட்டணிக்கு வர வாய்ப்பு இருப்பதாகவும் சமூக வலைத்தளங்களிலும் அரசியல் நோக்கர்கள் மத்தியிலும் பரவலாக பேசப்படும் ஒரு கருத்தாக உள்ளது.

எனினும், விடுதலை சிறுத்தைகள் கட்சி திட்டவட்டமாக மறுப்பு தெரிவிப்பதோடு திமுக கூட்டணியில் உறுதியாக இருப்பதாக ஒரு மெசேஜையும் தெரிவித்துள்ளது. இதேபோல்தான் கம்யூனிஸ்ட் கட்சிகளும் "இந்தியா" கூட்டணியில் உறுதியாக இருப்போம் என்ற கருத்தையே துவக்கம் முதலே சொல்லி வருகிறது. அந்த வகையில், இன்று செய்தியாளர்களுக்கு பேட்டி அளித்த சிபிஎம் மாநில செயலாளர் கே.பாலகிருஷ்ணன், பாஜக மட்டுமின்றி அதிமுகவை எதிர்ப்பதிலும் நாங்கள் உறுதியாக இருக்கிறோம் என்றார்.

இது தொடர்பாக அவர் கூறுகையில், இந்தியா கூட்டணியில் பிரதமர் வேட்பாளரை தேர்வு செய்வது அரை மணி நேர வேலை தான். அண்ணாமலை அரசியல் முதிர்ச்சி அற்றவராக இருக்கிறார் என்பது அவரது பேச்சிலே தெரிகிறது. பாஜக மட்டுமின்றி அதிமுகவை எதிர்ப்பதிலும் நாங்கள் உறுதியாக இருக்கிறோம்" என்றார்.