வேட்டி சட்டை.. முட்டி வரை கோட்.. ஆனால் அமெரிக்காவுக்கு போனாலும் அதை மறக்கலையே.. கலக்கிய ஓபிஎஸ்

சென்னை: கைகளில் கிளவுஸ்... வேட்டி, சட்டை.. அதுக்கு மேல கோட்.. என அமெரிக்காவில், புது டிரெண்டிங்கையே ஃபார்ம் செய்துவிட்டார் நம் துணை முதல்வர் ஓபிஎஸ்!
முதல்வர் எடப்பாடியார் உட்பட அமைச்சர்கள் நிறைய பேர் வெளிநாட்டுக்கு போய் வந்தார்கள்... போனவர்கள் எல்லாருமே கோட்-சூட் போட்டு அங்கு வலம் வந்தனர்.

இது சம்பந்தப்பட்ட போட்டோக்களும், வீடியோக்களும் பெரிய அளவில் வைரலானது. எப்ப பார்த்தாலும் வெள்ளை வேட்டி சட்டையிலேயே பார்த்து கொண்டு இருந்து தமிழக அரசியல்வாதிகளை, திடீரென கலர் கலர் கோட் சூட்டில் பார்க்கவும் வித்தியாசமாகவே இருந்தது. ஆனால் நெற்றியில் அம்சமாக அதே குங்குமப்பொட்டு பளிச்சென காணப்படுகிறது.

இந்நிலையில், துணை முதல்வரும் 10 நாள் பயணமாக அமெரிக்கா சென்றுள்ளார். இவரும் எப்படியும் வழக்கம்போல கோட்-சூட் போட்டுவிடுவார் என்று பார்த்தால், திடீரென புது கெட்டப்பில் தோன்ற ஆரம்பித்துவிட்டார்.

வேட்டி, சட்டை, அதுக்கு மேல் கோட்.. கைகளில் கிளவுஸ் அணிந்து வந்தார். அதாவது பாதி தமிழ்நாடு, பாதி அமெரிக்கா.. போல காணப்பட்டு வருகிறார். அங்கு குளிர் அதிகமாக இருக்கிறதாம்.. அதற்குதான் இப்படி ஒரு கெட்டப்பில் உள்ளார். ஆனால், ஓபிஎஸ் எதை நினைத்து இப்படி டிரஸ் பண்ணாரோ தெரியவில்லை, இந்த "டிரஸ்-கோட்" இப்போது டிரண்ட் ஆகிவிட்டது. புது பேஷன் ஆகிவிட்டது.

அமெரிக்காவில் எங்கு நிகழ்ச்சி நடைபெற்றாலும் இதே கெட்டப்பில்தான் கலக்குகிறார்.. இது நமக்கும் புதுசாக இருக்கிறது.. அமெரிக்ககாரர்களுக்கும் புதுசா இருக்கு!

English summary

tn dy cm o panneerselvams dress code is becoming famous and goes viral on socials also