5 மண்டலங்களில் திமுக, அதிமுக, தவெக, நாதக எவ்வளவு வாக்குகளை பெறும்? அக்னி நியூஸ் சர்வீஸ் கணிப்பு!

சென்னை: தமிழ்நாட்டில் உள்ள 5 மண்டலங்களில் திமுக, அதிமுக, தவெக, நாதக உள்ளிட்ட கட்சிகள் எவ்வளவு வாக்கு சதவிகிதத்தை பெறும் என்று அக்னி நியூஸ் சர்வீஸ் கணிப்புகளை வெளியிட்டுள்ளது. அதுதொடர்பாக விரிவாக பார்க்கலாம்.

தமிழ்நாட்டில் 234 தொகுதிகளுக்கான சட்டசபைத் தேர்தல் வாக்குப்பதிவு ஏப்ரல் 23ஆம் தேதி நிறைவடைந்தது. மொத்தமாக 85.15% வாக்குகள் பதிவாகியது. வாக்கு எண்ணிக்கை மே 4ஆம் தேதி நடக்கவுள்ளது. திமுக, அதிமுக, தவெக மற்றும் நாதக ஆகிய 4 கட்சிகள் நேருக்கு நேர் மோதுவதால், மக்களிடையே அடுத்த முதல்வர் யார் என்ற கேள்வியை எழுப்பி இருக்கிறது.

இந்த நிலையில் தேர்தலுக்கு பிந்தைய கணிப்புகள் வெளியாகி இருக்கிறது. அதன்படி அக்னி நியூஸ் சர்வீஸ் கருத்துக்கணிப்பின்படி திமுக 169 தொகுதிகளில் வென்று மீண்டும் ஆட்சியை பிடிக்கும் என்று தெரிவிக்கப்பட்டுள்ளது. அதிமுக 64 தொகுதிகளிலும், தவெக ஒரேயொரு தொகுதியில் மட்டும் வெல்லும் என்று தெரிவிக்கப்பட்டுள்ளது.

அதுமட்டுமல்லாமல் அக்னி நியூஸ் சர்வீஸ் நிறுவனம் தரப்பில் மண்டல வாரியாக எந்தக் கட்சி எவ்வளவு வாக்குகளை பெறும் என்று கணிப்புகளை வெளியிட்டுள்ளது. அதன்படி தென் மண்டலத்தில் உள்ள 58 தொகுதிகளில் திமுக 40 தொகுதிகளை வென்று 42.36% வாக்குகளையும், அதிமுக 18 தொகுதிகளில் வென்று 35.62% வாக்குகளையும், தவெக 14.46% வாக்குகளையும், நாதக 4.63% வாக்குகளையும் பெறும் என்று தெரிவிக்கப்பட்டுள்ளது.

பிற கட்சிகள் 2.93% வாக்குகளை பெறும் என்று கணித்திருக்கிறது. அதேபோல் மத்திய மண்டலத்தை பொறுத்தவரை மொத்தமுள்ள 37 தொகுதிகளில் திமுக 33 தொகுதிகளில் வென்று 45.27% வாக்குகளையும், அதிமுக 4 தொகுதிகளில் வென்று 35.14% வாக்குகளையும், தவெக 12.93% வாக்குகளையும், நாதக 3.98% வாக்குகளையும் பெறும் என்று தெரிவிக்கப்பட்டுள்ளது.

மேற்கு மண்டலத்தில் உள்ள 50 தொகுதிகளில் திமுக 31 தொகுதிகளை வென்று 40.94% வாக்குகளையும், அதிமுக 19 தொகுதிகளில் வென்று 37.26% வாக்குகளையும், தவெக 15.77% வாக்குகளையும், நாதக 3.13% வாக்குகளையும் பெறும் என்று தெரிவிக்கப்பட்டுள்ளது. வடக்கு மண்டலத்தில் உள்ள 52 தொகுதிகளில் திமுக 34 தொகுதிகளில் வென்று 42.84% வாக்குகளையும், அதிமுக 18 தொகுதிகளில் வென்று 36.73% வாக்குகளையும், தவெக 13.91% வாக்குகளையும், நாதக 5.17% வாக்குகளையும் பெறும் என்று கணிக்கப்பட்டுள்ளது.

சென்னை மண்டலத்தில் உள்ள 37 தொகுதிகளில் திமுக 31 தொகுதிகளில் வென்று 44.12% வாக்குகளையும், அதிமுக 5 தொகுதிகளில் வென்று 29.26% வாக்குகளையும், தவெக 1 தொகுதியில் வென்று 18.4% வாக்குகளையும், நாதக 5.17% வாக்குகளையும் பெறும் என்று தெரிவிக்கப்பட்டுள்ளது.

English summary

Opinion Poll: Agni News Service has released predictions regarding the vote share that parties including the DMK, AIADMK, TVK, and NTK are expected to secure across the five zones of Tamil Nadu. Let us examine this in detail.