ரூட்டை மாற்றிய ஓபிஎஸ்.. மீண்டும் அதிமுகவில் ஐக்கியமான வெல்லமண்டி நடராஜன்!

Updated: Friday, February 27, 2026, 21:10 [IST]

Subscribe to Oneindia Tamil

சென்னை: ஓ.பன்னீர்செல்வம் திமுகவில் இணைந்த நிலையில், அவரது ஆதரவாளராக இருந்த வெல்லமண்டி நடராஜன் தற்போது அதிமுகவில் இணைந்திருக்கிறார். ஓ.பன்னீர்செல்வம் திமுகவில் இணைந்ததால் வெல்லமண்டி நடராஜன் அதிருப்தியில் இருந்ததாக சொல்லப்படுகிறது. இதனையடுத்து அவர் அதிமுகவில் இணைந்திருக்கிறார்.

ஓபிஎஸ் திமுகவில் இணைவதற்கு முன்னரே, அவரது ஆதரவாளர்கள் பலர் இணைந்துவிட்டனர். இருப்பினும் ஒபிஎஸ் இணைந்த பின்னரும் வெல்லமண்டி நடராஜனை மட்டும் ஆள் காணவில்லை. இது குறித்து பேசிய அவர், ஜெயலலிதா வளர்த்த கட்சியான அதிமுகவை விட்டு எங்கும் செல்ல எனக்கு மனம் வரவில்லை என்று பேசியிருந்தார். இப்படி இருக்கையில் தற்போது அதிமுகவில் மீண்டும் இணைந்திருக்கிறார்.