Patta: எல்லா பேப்பர்களும் சரியாக இருந்தாலும்! சார்பதிவாளர் பதிவு செய்ய மறுத்தால் என்ன செய்யலாம்?

சென்னை: சார் பதிவாளர் அலுவலகத்தில் பத்திரப்பதிவு செய்ய கொடுத்த பிறகும், சில காரணங்களால் பத்திரங்கள் பதிவு செய்யாமல் நிலுவையில் இருப்பதற்கான காரணம் என்ன என்பதை தெரிந்து கொள்ளலாம். அவ்வாறு இருக்கும் பத்திரங்களை பதிவு செய்யவில்லை என்றால் என்ன செய்ய வேண்டும்.

இதுகுறித்து இன்றைய தகவல் எனும் சமூகவலைதள பக்கத்தில் கூறியிருப்பதாவது: சார் பதிவாளர் (Sub-Registrar) அலுவலகத்தில் நிலுவை ஆவணம் (Pending Document) எனக் கூறப்படும் ஒன்று உண்டாகும்
அதாவது, பத்திரம் பதிவு செய்ய கொடுத்த பிறகு சில காரணங்களால் அது உடனே பதிவு செய்யாமல் நிலுவையில் வைக்கப்படுகிறது.

நிலுவை ஆவணமாக வைப்பதற்கான முக்கிய காரணங்கள்:

1. முத்திரை தீர்வை (Stamp Duty) / பதிவு கட்டணம் முழுமையாக செலுத்தப்படாதது
ஆவணத்திற்கான மதிப்பீடு அதிகம் வரும். செலுத்த வேண்டிய தீர்வை மற்றும் கட்டணத்தில் குறைவாக இருக்கிறது.

2. சட்டப்பூர்வ தடைகள்
நீதிமன்ற தடை உத்தரவு (Injunction order). அரசாங்கம் / வங்கி / வருவாய் துறை பற்று.

3. ஆவண பிழைகள்
வாங்குபவர் அல்லது விற்பவரின் பெயர், வயது, முகவரி போன்ற விவரங்களில் தவறு.
நில அளவு, சதுர அடி / ஏக்கர் அளவு முரண்பாடு. பக்க எல்லை (Boundary) விவரத்தில் முரண்பாடு.

4. பூர்த்தி செய்ய வேண்டிய சான்றுகள் / இணைப்பு ஆவணங்கள் இல்லாதது
EC (Encumbrance Certificate), பத்து, அடையாள சான்றுகள், NOC போன்றவை இணைக்கப்படாதது.
GPA (Power of Attorney) மூலம் விற்பனை செய்தால், அதற்கான சரியான அங்கீகாரம் இல்லாதது.

5. சந்தேகத்திற்கிடமான பரிவர்த்தனை
நிலம் அரசுக்கு சொந்தமானது அல்லது நத்தம் நிலம், பஞ்சமி நிலம் போன்ற பிரச்சனையுள்ள நிலம்.
பத்திரத்தில் சொத்து உரிமை சந்தேகத்துக்குள்ளாக இருப்பது.

6. வழிமுறைப்படி கையொப்பம் வைக்கப்படாதது
வாங்குபவர்/விற்பவர் கையொப்பம் இல்லாமை.
சாட்சியாளர் கையொப்பம் தவறானது.
இவ்வாறான சந்தர்ப்பங்களில், சார் பதிவாளர் அந்த ஆவணத்தை "நிலுவை" என்று வைத்து, தேவையான திருத்தங்கள் / தீர்வை கட்டணம் / சான்றுகள் சமர்ப்பித்த பிறகு தான் பதிவு செய்வார்.
தீர்வு செய்யாமல் விட்டால், சட்டப்படி ஒரு குறிப்பிட்ட காலம் கழித்து அந்த ஆவணம் "பதிவு செய்ய மறுக்கப்பட்டது" என்று நிராகரிக்கப்படும்.

நிலுவை ஆவணம் (Pending Document) பதிவு செய்யச் செய்வதற்கான வழிமுறை:

1. காரணம் கண்டறிதல்

முதலில் சார் பதிவாளர் அலுவலகத்தில் சென்று,
ஏன் ஆவணம் "நிலுவை" என வைக்கப்பட்டுள்ளது என்று எழுத்து வடிவில் காரணம் (Endorsement / Memo) கேட்டு பெற வேண்டும்.

2. பிழை / குறைப்பு சரிசெய்தல்

முத்திரை தீர்வை / பதிவு கட்டணம் குறைவு என்றால் → கூடுதல் தொகையை சில்லறைத் தீர்வைத் தாள்கள் அல்லது e-Stamp மூலம் செலுத்தி, ரசீது சமர்ப்பிக்க வேண்டும்.
ஆவண பிழை (பெயர், அளவு, எல்லை, etc.) இருந்தால் → "திருத்த ஆவணம்" (Rectification Deed) செய்து மீண்டும் சமர்ப்பிக்க வேண்டும்.
ஆவணங்கள் (Patta, EC, NOC, GPA, etc.) குறைவு என்றால் → அவற்றை பெற்று கொடுத்து விட வேண்டும்.
நீதிமன்ற தடை / அரசு பற்று இருந்தால் → தடை நீக்கப்பட்டதை நிரூபிக்கும் உத்தரவு / ஆவணம் (Order Copy) சமர்ப்பிக்க வேண்டும்.

3. மீண்டும் பதிவு கோருதல்
தேவையான திருத்தங்கள் / கட்டணம் / ஆவணங்கள் கொடுத்த பிறகு, சார் பதிவாளர் அலுவலகத்தில் மீண்டும் பதிவு செய்ய வேண்டுமென அலுவலக குறிப்பு (Endorsement Clearance) பெற வேண்டும். அப்போது தான் "நிலுவை ஆவணம்" சரியான பத்திரமாக பதிவு செய்யப்படும்.

4. பதிவு செய்ய மறுத்தால் என்ன செய்யலாம்?

சார் பதிவாளர் காரணமின்றி ஆவணத்தை பதிவு செய்ய மறுத்தால் →
BNSS / Registration Act படி, உங்களுக்கு Inspector General of Registration (IGR), Chennai அவர்களிடம் மேல்முறையீடு (Appeal / Revision Petition) செய்ய உரிமை உண்டு.
இன்னும் மறுக்கப்பட்டால், நீதிமன்றத்தில் (High Court Writ Petition) வழக்கு தொடர முடியும்.

5. நேர வரம்பு

சாதாரணமாக, நிலுவை ஆவணத்தை 4 மாத காலத்துக்குள் (Registration Act Sec. 23) சரிசெய்ய வேண்டும்.
அவ்வாறு செய்யாதால், ஆவணம் ரத்து செய்யப்பட்டதாக கருதப்படும்.
எனவே, முதலில் உங்கள் ஆவணம் எந்த காரணத்தால் நிலுவை என வைக்கப்பட்டுள்ளது என்பதை உறுதி செய்து, அதற்கேற்றவாறு நடவடிக்கை எடுக்க வேண்டும். இவ்வாறு குறிப்பிடப்பட்டுள்ளது.

English summary

Patta: Even after submitting documents for registration at the Sub-Registrar Office, property deeds may remain pending due to various reasons such as legal objections, incomplete documentation, valuation issues, or technical discrepancies. This article explains the common causes for such delays and outlines the steps property owners can take to resolve issues and ensure timely registration of their documents.