பெண் மயிலைக் கவர.. தோகை விரித்தாடிய ஆண் மயில்... கண் கொள்ளா காட்சிதான் போங்க!

தோகை விரித்தாடும் மயிலின் வீடியோ சமூகவலைதளங்களில் வைரலாகியுள்ளது.

சென்னை: பெண் மயிலை கவர்வதற்காக ஆண் மயில் ஒன்று தோகை விரித்தாடும் வீடியோ சமூகவலைதளங்களில் வைரலாகியுள்ளது.

மயில் தோகை விரித்தாடும் அழகை எத்தனை நேரம் வேண்டுமானாலும் பார்த்துக்கொண்டே இருக்கலாம். மேகங்கள் திரண்டு, மழை வரும் போது மட்டுமே, மயில்கள் தோகையை விரித்து ஆடுவது வழக்கம். பறந்து விரிந்த அதன் அழகிய தோகைகளை பார்க்கும் போது, மனதில் கவிதை ஊற்றாக சுரக்கும்.

தேசியப் பறவையான மயில்களை பார்ப்பது இப்போதெல்லாம் அரிதாகிவிட்ட சூழலில், அவை தோகை விரித்தாடும் காட்சியை வீடியோக்களில் தான் பார்க்க முடிகிறது. அதுவும் நகர் புறத்தில் இருக்கும் மக்கள் மயில்களை குழந்தைகளுக்கு காட்ட வேண்டும் என்றால் உயிரியல் பூங்காவுக்கு தான் செல்ல வேண்டும்.

அதிர்ஷ்டம் இருந்தால்

அங்கேயும் அவற்றை ரசித்து பார்ப்பது கொஞ்சம் கடினமான காரியம். நமக்கு அதிர்ஷ்டம் இருந்தால் அவை தோகைவிரித்தாடுவதை எப்போதாவது பார்க்கலாம். அதுவும் கூண்டுக்கு வெளியே இருந்து தான் பார்க்க முடியும்.

தோகைவிரித்தாடும் ஆண் மயில்

நிலைமை இப்படி இருக்க ஆண் மயில் ஒன்று தனது தோகையை விரித்து ஆடும் வீடியோ இணைத்தில் வைரவாகி வருகிறது. வனத்துறை அதிகாரி பிரவீன் கஸ்வான் இந்த வீடியோவை டிவிட்டரில் பகிர்ந்துள்ளார். கூடவே, "தோகை விரித்தாடும் இந்த ஆண் மயிலால் அருகில் இருக்கும் பெண் மயிலை கவர முடியுமா" என கேப்ஷன் ஒன்றையும் அவர் பதிவிட்டுள்ளார்.

வைரலாகும் வீடியோ

இந்த வீடியோ சுமார் 40 ஆயிரம் பார்வைகளை கடந்து, அதிகம் பகிரப்பட்டு வருகிறது. இதை பார்த்த நெட்டிசன்கள் இந்த ஆணழகை பார்த்து எந்த பெண் மயில் தான் மயங்காது என கமெண்ட் செய்து வருகின்றனர்.

Will the peacock able to impress partner with such show off. Via WA. pic.twitter.com/qlVQK3cc9R

— Parveen Kaswan, IFS (@ParveenKaswan) May 7, 2020

மனதை கவர்ந்துவிட்டது

தோகை விரித்தாடும் அந்த ஆண் மயில், தனது பெண் மயிலை கவர்ந்ததோ இல்லையோ, நிச்சயம் நம் மனதை கவர்ந்தேவிட்டது. கொரோனாவால் திக்குமுக்காடிக்கிடக்கும் மக்களுக்கு, இதுபோன்ற வீடியோக்கள் தான் இளைப்பாறுதல்.

English summary

In a viral video a Peacock unfurls beautiful feathers to impress peahen.