பெட்ரோல், டீசல் விலை தொடர்ந்து சரிவு
சென்னை: சென்னையில் இன்றைய பெட்ரோல் விலை லிட்டருக்கு 5 காசுகள் குறைந்து ரூ. 72.36 க்கும், டீசல் விலை 7 காசுகள் குறைந்து ரூ. 67.31-க்கும் விற்பனையாகிறது.
பெட்ரோல், டீசல் விலையை எண்ணெய் நிறுவனங்களே நிர்ணயித்துக் கொள்ளலாம் என மத்திய அரசு தெரிவித்தது. அதன்படி, கச்சா எண்ணெய் விலைக்கு ஏற்ப பெட்ரோல், டீசல் விலை எண்ணெய் நிறுவனங்கள் நிர்ணயித்து வருகின்றன. அந்த வகையில், கடந்த சில தினங்களாக பெட்ரோல், டீசல் விலை ஏறுமுகத்தில் இருந்து வந்தது.
இந்தநிலையில், அக்டோபர் மாதம் 17-ந் தேதி ஒரு லிட்டர் பெட்ரோல் விலை ரூ.86.10, டீசல் விலை ரூ.80.04 என்ற உச்சத்தை தொட்டது. இதனையடுத்து, பெட்ரோல், டீசல் மீதான உற்பத்தி வரியை மத்திய அரசு குறைத்தது. இதனால், பெட்ரோல், டீசல் விலை குறைந்து வந்தது. இந்தநிலையில், கச்சா எண்ணெயின் விலை தொடர்ந்து சரிந்து வருகிறது. நேற்று பேரலுக்கு 3.69 டாலர் அதிகரித்த போதிலும் பெட்ரோல், டீசல் விலை உயர்த்தப்படவில்லை.
இன்றைய நிலவரப்படி, சென்னையில் இன்றைய பெட்ரோல் விலை லிட்டருக்கு 5 காசுகள் குறைந்து ரூ. 72.36 க்கும், டீசல் விலை 7 காசுகள் குறைந்து ரூ. 67.31-க்கும் விற்பனையாகிறது.