24 நாட்களுக்கு பின் மாற்றம்.. பெட்ரோல், டீசல் விலையில் 16 காசுகள் குறைப்பு.. இன்றைய நிலவரம் என்ன?
சென்னை: 24 நாட்களாக மாற்றமில்லாமல் இருந்து வந்த பெட்ரோல் விலை இன்று குறைக்கப்பட்டுள்ளது. இன்று பெட்ரோல் மற்றும் டீசல் விலை லிட்டருக்கு 16 காசுகள் குறைந்து விற்பனை செய்யப்படுகிறது.
Recommended Video
கடந்த இரண்டு மாதமாக இந்தியாவில் நாளுக்கு நாள் பெட்ரோல் டீசல் விலை தொடர்ந்து உயர்ந்தது. மக்கள் கடுமையாக அவதிப்படும் வகையில் பெட்ரோல், டீசல் விலை உயர்ந்து கொண்டே இருந்தது.
சர்வதேச சந்தையில் ஒரு பேரல் கச்சா எண்ணெய் சமயங்களில் குறைந்த போதும் கூட இந்தியாவில் பெட்ரோல் டீசல் விலை தொடர்ந்து உயர்ந்தது. தினமும் எண்ணெய் நிறுவனங்களே பெட்ரோல், டீசல் விலையை உயர்த்தலாம் என்று விதி கொண்டு வந்த பின் தினமும் பெட்ரோல் டீசல் விலை உயர்த்தப்பட்டது.
தொடர்ந்து கடந்த 24 நாட்களாக இந்தியாவில் பெட்ரோல் டீசல் விலையில் எந்த மாற்றமும் செய்யப்படவில்லை. 5 மாநில சட்டசபை தேர்தல் நெருங்கி வரும் நிலையில் இப்படி பெட்ரோல் டீசல் விலையில் மாற்றம் செய்யப்படடவில்லை.
இந்த நிலையில் 24 நாட்களாக மாற்றமில்லாமல் இருந்து வந்த பெட்ரோல் விலை இன்று குறைக்கப்பட்டுள்ளது. இன்று பெட்ரோல் மற்றும் டீசல் விலை லிட்டருக்கு 16 காசுகள் குறைந்து விற்பனை செய்யப்படுகிறது.தமிழ்நாடு, புதுச்சேரி, அசாம், மேற்கு வங்கம், கேரளா ஆகிய மாநிலங்களில் சட்டசபை தேர்தல் நடக்கிறது. இதன் காரணமாகவே இந்தியாவில் பெட்ரோல் டீசல் விலை குறைக்கப்பட்டதாக தெரிகிறது.
சென்னையில் பெட்ரோல் விலை 92.05 ரூபாய்க்கு விற்கப்படுகிறது. டீசல் விலை 86.29 ரூபாய்க்கு விற்கப்படுகிறது.டெல்லியில் பெட்ரோல் விலை 97.11 ரூபாய்க்கு விற்கப்படுகிறது. டீசல் விலை 81.29 ரூபாய்க்கு விற்கப்படுகிறது. ஹைதராபாத்தில் பெட்ரோல் விலை 87.08 ரூபாய்க்கு விற்கப்படுகிறது. டீசல் விலை 85.27ரூபாய்க்கு விற்கப்படுகிறது.
பெங்களூரில் பெட்ரோல் விலை 93.05 ரூபாய்க்கு விற்கப்படுகிறது. டீசல் விலை 87.29 ரூபாய்க்கு விற்கப்படுகிறது. மும்பையில் பெட்ரோல் விலை 97.39 ரூபாய்க்கு விற்கப்படுகிறது. டீசல் விலை 88.44 ரூபாய்க்கு விற்கப்படுகிறது.