தமிழ்நாட்டில் இன்று பெட்ரோல், டீசல் விலையில் 12 காசுகள் சரிவு.. சென்னையில் விலை நிலவரம் என்ன?

சென்னை: தமிழ்நாட்டில் பெட்ரோல் மற்றும் டீசல் விலை தலா 12 காசுகள் குறைந்தது. சென்னையில் பெட்ரோல் 98.96 ரூபாய்க்கு விற்பனை ஆகிறது. சென்னையில் டீசல் 93.26 ரூபாய்க்கு விற்பனை ஆகிறது.

தமிழ்நாட்டில் தொடர்ந்து பெட்ரோல் டீசல் விலை சரிவை சந்தித்து வருகிறது. முன்னதாக தமிழ்நாட்டில் பெட்ரோல் விலை மாநில அரசின் வரி குறைப்பால் 3 ரூபாய் குறைந்தது. இதனால் 100 ரூபாய்க்கும் அதிகமாக விற்கப்பட்டு வந்த பெட்ரோல், டீசல் விலை 100 ரூபாய்க்கும் கீழ் சென்றது.

சர்வதேச அளவில் கச்சா எண்ணெய் விலை சரிவால் பெட்ரோல், டீசல் விலையும் உலக அளவில் தொடர்ந்து சரிந்து வருகிறது. இதனால் இந்தியாவிலும் கடந்த ஒன்றரை மாதமாக பெட்ரோல், டீசல் விலை உயர்த்தப்படவில்லை. எண்ணெய் நிறுவனங்களும் கடந்த ஒன்றரை மாதமாக விலையை உயர்த்தாமல் தொடர்ந்து அவ்வப்போது விலையை குறைத்து வருகிறது.

இந்தியாவில் கடைசியாக பெட்ரோல் டீசல் விலை ஜூலை 17ம் தேதி உயர்த்தப்பட்டது. அதன்பின் பெட்ரோல் விலை உயர்த்தப்படவே இல்லை. இடையில் பெட்ரோல் விலை இடையில் 20 பைசா குறைக்கப்பட்டது. டீசல் விலையும் 4 முறை 20 பைசாவாக குறைக்கப்பட்டு 80 பைசா வரை சரிவை சந்தித்தத்து. கடந்த ஒன்றரை மாதத்தில் டீசல் விலை மட்டும் 1 ரூபாய் வரை குறைந்துள்ளது.

இந்த நிலையில்தான் இன்று தமிழ்நாட்டில் பெட்ரோல் மற்றும் டீசல் விலை தலா 12 காசுகள் குறைந்தது. சென்னையில் பெட்ரோல் 98.96 ரூபாய்க்கு விற்பனை ஆகிறது. சென்னையில் டீசல் 93.26 ரூபாய்க்கு விற்பனை ஆகிறது.

தற்போது டெல்லியில் பெட்ரோல் 101.52 ரூபாய்க்கு விற்கப்படுகிறது. டீசல் 88.95 ரூபாய்க்கு விற்கப்படுகிறது.

பெங்களூரில் பெட்ரோல் விலை 104.97 ரூபாய்க்கு விற்கப்படுகிறது. டீசல் விலை 94.36 ரூபாய்க்கு விற்கப்படுகிறது.மும்பையில் பெட்ரோல் விலை 107.51 ரூபாய்க்கு விற்கப்படுகிறது. டீசல் விலை 96.53 ரூபாய்க்கு விற்கப்படுகிறது.

ஹைதராபாத்தில் பெட்ரோல் விலை 102.30 ரூபாய்க்கு விற்கப்படுகிறது. டீசல் விலை 95.89 ரூபாய்க்கு விற்கப்படுகிறது.

English summary

Petrol, diesel prices fall by 12 paise today in Tamilnadu, as the crude oil prices are going down.