வாவ்.. சென்னையில் கடந்த 9 நாட்களில் பெட்ரோல் விலை 2 ரூபாய்க்கும் மேல் குறைந்தது! இன்றைய ரேட் இதுதான்

சென்னை: சென்னையில் கடந்த 9 நாட்களில் பெட்ரோல் விலை 2 ரூபாய் 8 காசுகள் குறைந்துள்ளது. பெட்ரோல், டீசல் விலை தொடர்ந்து இறங்கு முகத்திலேயே உள்ளது.

தெலுங்கானா, மத்திய பிரதேசம், ராஜஸ்தான், சட்டீஸ்கர், மிசோரம் ஆகிய ஐந்து மாநில தேர்தல் தேதி அறிவிக்கப்பட்ட பிறகு, பெட்ரோல், டீசல் விலை உயர்வு என்பது கட்டுப்பாட்டுக்குள் வந்துள்ளது.

கடந்த 9 நாட்களில் ஒருநாள் கூட பெட்ரோல், டீசல் விலை ஏறவில்லை. மாறாக பெரும்பாலான தினங்களில் பெட்ரோல் மற்றும் டீசலின் விலை தொடர்ந்து குறைந்து தான் இருந்தது.

சென்னையில் இன்று, பெட்ரோல் விலை 26 பைசா குறைந்து லிட்டருக்கு 84 ரூபாய் 2 பைசா என்ற விலையில் விற்பனை ஆகிறது. டீசல் விலை 7 பைசா குறைந்து லிட்டருக்கு 79 ரூபாய் 2 பைசா என்ற விலையில் விற்பனை ஆகிறது.

இதன் மூலமாக பெட்ரோல் விலை சென்னையில் கடந்த 9 நாட்களில் 2 ரூபாய் 8 காசுகள் குறைந்துள்ளது. டீசல் விலை ஒரு ரூபாய் 2 காசுகள் குறைந்துள்ளது.

English summary

Petrol and diesel rates has been slashed in Chennai since 9 days.