மத்திய அரசை அடுத்து பெட்ரோல், டீசல் வரியை குறைத்த பல மாநில அரசுகள்.. கர்நாடகாவில் செம சரிவு- பின்னணி

Updated: Friday, November 5, 2021, 12:16 [IST]

Subscribe to Oneindia Tamil

சென்னை: மத்திய அரசு பெட்ரோல், டீசல் மீதான கலால் வரியை குறைத்த நிலையில் பல்வேறு மாநில அரசுகளும் பெட்ரோல் டீசல் விலையில் வாட் வரியை குறைத்துள்ளது.

Recommended Video

தொடர்ந்து ஏறுமுகத்தில் பெட்ரோல் விலை… வாகன ஓட்டிகள் ஷாக்!

நாடு முழுக்க கடந்த இரண்டு மாதமாக பெட்ரோல் டீசல் விலை வேகமாக உயர்ந்து வந்தது. கச்சா எண்ணெய் விலை குறைந்தாலும் கூட தொடர்ந்து பெட்ரோல், டீசல் விலை உச்சம் தொட்டது.

மத்திய பிரதேசத்தில் பெட்ரோல் விலை லிட்டருக்கு 120 ரூபாயை தாண்டி விற்க தொடங்கியது. மும்பையிலும் பெட்ரோல் விலை 120 ரூபாயை லிட்டருக்கு தொட்டது. தமிழ்நாட்டில் பெட்ரோல் விலை 107 ரூபாய் வரை பல மாவட்டங்களில் விற்றது. அதேபோல் டீசல் விலை பல மாநிலங்களில் 105 ரூபாயை தொட்டது.

மும்பையில் டீசல் விலை 102 ரூபாய் தாண்டியது. இதனால் பெட்ரோல், டீசல் விலையை குறைக்க வேண்டும் என்று மக்கள் பலரும் கோரிக்கை விடுத்து வந்தனர். முக்கியமாக அரசியல் தலைவர்கள், எதிர்க்கட்சிகள் பெட்ரோல், டீசல் விலையை குறைக்க வேண்டும் என்று கோரிக்கை விடுத்து வந்தன.

இதையடுத்து பெட்ரோல் மீதான கலால் வரி ரூ 5, டீசல் மீதான கலால் வரி ரூ 10 குறைக்கப்பட்டுள்ளது. தீபாவளியை முன்னிட்டு இந்த அறிவிப்பு நேற்று முதல் அமலுக்கு வந்தது. மத்திய அரசு கலால் வரியை குறைத்த நிலையில் பல்வேறு மாநில அரசுகளும் பெட்ரோல் டீசல் விலையில் வாட் வரியை குறைத்துள்ளது.

அசாம், திரிபுரா, கர்நாடகா மற்றும் கோவா ஆகிய 4 மாநிலங்களில் பெட்ரோல் டீசல் மீதான வாட் வரி ரூ 7 குறைக்கப்பட்டுள்ளது. கர்நாடகாவில் மொத்தமாக மத்திய, மாநில அரசு வரிகள் சேர்த்து 13 ரூபாய் பெட்ரோல் விலை குறைக்கப்பட்டுள்ளது. டீசல் விலை 19 ரூபாய் குறைக்கப்பட்டுள்ளது.

கர்நாடகாவில் இதனால் பெட்ரோல் விலை லிட்டருக்கு 113.93 ரூபாயில் இருந்து குறைந்து 100.63 ரூபாய்க்கு விற்பனை ஆகிறது. டீசல் விலை லிட்டருக்கு 104.50 ரூபாயில் இருந்து குறைந்து 85.03 ரூபாய்க்கு விற்பனை ஆகிறது.

உத்தரகண்ட் மாநிலத்தில் பெட்ரோல் மீதான வாட் வரி லிட்டருக்கு ₹2 குறைக்கப்படும் என்று அறிவிக்கப்பட்டுள்ளது. இங்கு பெட்ரோல் விலை மொத்தமாக 7 ரூபாயும், டீசல் விலை 9 ரூபாயும் குறைக்கப்பட்டுள்ளது. தமிழ்நாட்டில் ஏற்கனவே பெட்ரோல் மீதான மாநில வரி 3 ரூபாய் குறைக்கப்பட்டது.

பெருநகரங்களில் பெட்ரோல் டீசல் விலை பின்வருமாறு