12ஆம் வகுப்பு பாஸா நீங்க! HCL டெக்னாலஜிஸில் வேலைவாய்ப்பு! பணியாற்றிக் கொண்டே உயர்கல்வி கற்கலாம்!

சென்னை: 2021 மற்றும் 2022 ஆண்டுகளில் 12-ஆம் வகுப்பு முடித்த மாணவர்களுக்கு HCL டெக்னாலஜிஸ் நிறுவனத்தில் வேலைவாய்ப்புடன் கூடிய ஓராண்டு பயிற்சி திட்டத்தை அறிவித்துள்ளது தமிழ்நாடு பள்ளிக்கல்வி இயக்குநரகம்.

பணிபுரிந்து கொண்டே உயர்கல்வி கற்பதற்கும் கட்டணத்தை செலுத்தி HCL Technologies வாய்ப்பை உருவாக்கித் தந்துள்ளது.

இது தொடர்பான விவரம் வருமாறு

HCL Techbee

2021-2022 ஆம் ஆண்டு 12-ம் வகுப்பில் 60% மதிப்பெண்களுடன் தேர்ச்சி பெற்ற மாணவர்களுக்கு, HCL நிறுவனம் பயிற்சியோடு கீழ்கண்ட பணி வாய்ப்புகளை வழங்குகின்றது. தமிழக அரசின் "நான் முதல்வன்" திட்டத்தின் வாயிலாக தமிழ்நாடு திறன் மேம்பாட்டுக் கழகம், அரசுப் பள்ளி மாணவர்கள் 2,000 நபர்களுக்கு HCL Techbee "Early Career Program"க்கான பயிற்சி கட்டணம் முழுவதையும் வழங்குகின்றது.

7வது மாதம் முதல் ஊதியம்

இத்திட்டத்தின் வாயிலாக மாணவர்களுக்கு, தமிழகத்தின் எந்த பகுதியில் இருந்தாலும் பயிற்சியோடு HCL Technologies-ல் கீழ்க்கண்ட முழுநேர பணிவாய்ப்பை வழங்குகின்றது. Internship பயிற்சியின் போது 7வது மாதம் முதல், மாதம்தோறும் ரூபாய் 10,000/- உதவித்தொகையை பெறலாம். பணியில் சேர்ந்தவுடனே துவக்க நிலை ஊதியமாக ஆண்டுக்கு ரூபாய் 1.70 லட்சம் முதல் 2.20 லட்சம் வரை (பணிநிலைக்கு ஏற்றாற்போல்)

உயர் கல்வி கற்கலாம்

HCL Technologies - ல் பணிபுரிந்து கொண்டே உயர்கல்வியை துவங்குவதற்கு BITS Pilani, Amity மற்றும் SASTRA பல்கலைக்கழகங்களில் வாய்ப்பினை பெற்றுத் தருகின்றது. மேலும் அவர்களின் கல்விக் கட்டணத்தின் ஒரு பகுதியை HCL Technologies நிறுவனம் வழங்குகின்றது. மேலும் இத்திட்டமானது மாணவர்கள் சிறுவயதிலேயே உலகளாவிய தகவல் தொழில்நுட்ப நிறுவனத்தில் தங்கள் பணியினை துவங்க வாய்ப்பளிக்கின்றது.

பள்ளிக்கல்வித்துறை

மாநிலம் முழுவதிலும் இந்த HCL "Techbee"திட்டத்தின் தேர்வு முகாமினை அக்டோபர் 28 முதல் 30-ம் தேதி வரை, சென்னை, மதுரை, திருநெல்வேலி, திருச்சி மற்றும் ஈரோடு ஆகிய மாவட்டங்களில் நடத்த திட்டமிடப்பட்டுள்ளது. இத்திட்டத்தில் சேர்ந்து பயன்பெறுமாறு (தகுதியுள்ள மாணவர்களை ) தமிழ்நாடு திறன் மேம்பாட்டுக் கழக மேலாண்மை இயக்குநர் கேட்டுக் கொண்டுள்ளார்.

English summary

Tamil Nadu School Education Directorate announced a one-year training program with placement at HCL Technologies for 12th class pass students in 2021 and 2022.