வந்தாச்சு தாம்பரம்-செங்கோட்டை அதிவேக ரயில்.. ஸ்பெஷல் என்ன? டாப் தகவல்கள்

சென்னை: பிரதமர் மோடி இன்று பல்வேறு நலத்திட்டங்களை தொடங்கி வைத்தார். அந்த வகையில் தென் மாவட்ட மக்களின் நீண்ட கால எதிர்பார்ப்பை ஓரளவு பூர்த்தி செய்யும் வகையில் தாம்பரம் - செங்கோட்டை இடையேயான புதிய விரைவு ரயில் சேவையையும் தொடங்கி வைத்தார். இந்த ரயிலின் கட்டணம் எவ்வளவு என்பதையும், எங்கெல்லாம் இந்த ரயில் நின்று செல்லும் என்ற விவரங்களை பார்ப்போம்.

சென்னை பல்லாவரத்தில் நடைபெற்ற அரசு நலத்திட்டங்கள் துவங்கி வைக்கும் நிகழ்ச்சியில் பிரதமர் மோடி கலந்துகொண்டு பல்வேறு நலத்திட்டங்களை தொடங்கி வைத்தார். அந்த வகையில் தாம்பரம் - செங்கோட்டை இடையேயான புதிய விரைவு ரயில் சேவையையும் தொடங்கி வைத்தார். தென் மாவட்ட மக்களின் நீண்ட கால எதிர்பார்ப்பை ஓரளவு பூர்த்தி செய்யும் வகையில் இந்த ரயில் சேவை அறிமுகம் செய்யப்பட்டுள்ளது. இந்த ரயிலின் கட்டணம் எவ்வளவு மற்றும் எங்கெல்லாம் இந்த ரயில் நின்று செல்லும் என்ற விவரங்களை பார்ப்போம்.

* திருவாரூர், காரைக்குடி வழியாக சென்னை தாம்பரம் - செங்கோட்டை இடையே இந்த ரயில் இயக்கப்படுகிறது.

*அம்பை-பாவூர்சத்திரம் வழியாக இந்த ரயில் இயக்கப்படுவது தென்காசி மாவட்ட மக்களுக்கு மகிழ்ச்சியை கொடுத்துள்ளது.

*தாம்பரத்தில் இருந்து மாலை 6.30 மணிக்கு இந்த ரயில் புறப்படும். நெல்லைக்கு மறுநாள் காலை 7.25 மணிக்கும், செங்கோட்டைக்கு காலை 9.30 மணிக்கும் சென்றடையும்.

* ஏப்ரல், மே மாதங்களில் வாரம் ஒரு முறை ரயிலாகவும், பின்னர் ஜூன் மாதம் 1-ந் தேதி முதல் ஞாயிறு, செவ்வாய், வியாழன் என வாரம் மூன்று முறை இயக்கப்படும்.

* விழுப்புரம், கடலூர், மயிலாடுதுறை, திருவாரூர் திருத்துறைப்பூண்டி, முத்துப்பேட்டை, பட்டுக்கோட்டை, அறந்தாங்கி, காரைக்குடி, அருப்புக்கோட்டை, விருதுநகர், நெல்லை, சேரன்மகாதேவி, அம்பை, பாவூர்சத்திரம், தென்காசி ஆகிய ரயில் நிலையங்கள் வழியாக செல்லும்.

* தாம்பரத்தில் இருந்து நெல்லைக்கு சாதாரண படுக்கை டிக்கெட்டின் விலை ரூ. 405 ஆக நிர்ணயிக்கப்பட்டுள்ளது. மூன்றாம் வகுப்பு ஏசி ரூ. 985 எனவும், 2-ம் வகுப்பு ஏசி கட்டணம் ரூ. 1,505-ம் நிர்ணயிக்கப்பட்டுள்ளது.

* தாம்பரத்தில் இருந்து செங்கோட்டைக்கு சாதரண படுக்கை டிக்கெட் கட்டணம் ரூ. 435, மூன்றாம் வகுப்பு ஏசி பெட்டி கட்டணம் ரூ. 1060, இரண்டாம் வகுப்பு குளிர்சாதன பெட்டி கட்டணம் ரூ. 1620-ம் நிர்ணயிக்கப்பட்டுள்ளது.

English summary

Prime Minister Modi launched various welfare schemes today. In that way, he also started a new express train service between Tambaram and Sengottai to partially fulfill the long-term expectations of the people of the southern district. Let's see the details of how much this train fares and where this train stops.