பிரதமர் மோடியின் நண்பர் ஜி.கே.வாசன்.. சொன்ன அண்ணாமலை.. டக் என்று திருத்திய ஜி.கே. வாசன்
சென்னை: பிரதமர் மோடி, உள்துறை அமைச்சர் அமித்ஷாவின் நண்பர் ஜி.கே. வாசன் என்று அண்ணாமலை கூறியுள்ளார். அதற்கு வாசன் நண்பர் என்று சொல்வதை விட நலம் விரும்பி என்று சொல்லுங்கள் என்று திருத்தினார் ஜி.கே. வாசன்.
பாஜக கூட்டணியில் தமாகா இணைந்ததை அடுத்து, அக்கட்சித் தலைவர் ஜி.கே.வாசனை நேரில் சந்தித்தார் பாஜக மாநில தலைவர் அண்ணாமலை. கூட்டணியில் இணைந்த தமிழ் மாநில காங்கிரஸ் கட்சித் தலைவர் ஜி.கே.வாசனை சந்தித்து வாழ்த்திய பிறகு, பாஜக மாநிலத் தலைவர் அண்ணாமலை பேட்டியளித்தார்.
எங்களை வழிநடத்தக் கூடிய நபராக ஜி.கே.வாசன் இருக்கப் போகிறார். பாஜக கூட்டணியில் முதல் ஆளாக வந்திருக்கிறார் தமாகா தலைவர் ஜி.கே.வாசன். ஜி.கே.வாசனிடம் நான் எப்போதும் அரசியல் ஆலோசனைகள் பெறுவது உண்டு. அந்த வகையில், அடுத்த 100 நாட்களில் ஜி.கே.வாசனின் ஆதரவுடன் வளமான கூட்டணியைத் தமிழ்நாட்டில் உருவாக்குவோம்.
பிரதமர் மோடி, மத்திய உள்துறை அமைச்சர் அமித்ஷாவின் நண்பராக இருப்பவர் ஜி.கே. வாசன். பிரதமருக்கு நேரடியாக போன் செய்து பேசக்கூடியவர் என்று சொன்னார் அண்ணாமலை. அதற்கு ஜி.கே. வாசன், பிரதமரின் நண்பர் என்று சொல்வதை விட நலம் விரும்பி என்று சொல்லலாம் என்று கூறி திருத்தினார்.
தொடர்ந்து பேசிய அண்ணாமலை, எல்லோரும் ஒன்றாக சேர்ந்து, அண்ணன், தம்பிகளாக, ஜாதி, மதம் கடந்து மோடி அவர்களை மீண்டும் பாரதப் பிரதமராக வரவேண்டும் என்பதற்காகப் பாடுபடுவோம் என்று தெரிவித்தார்.
Click it and Unblock the Notifications
Sign in with Google