ரஜினியின் 75-ஆவது பிறந்தநாள்! 50 ஆண்டுகள் திரைப்பயணம்! பல தலைமுறைகளை கடந்தவர்! பிரதமர் மோடி வாழ்த்து
சென்னை: சிறப்பான நடிப்பாற்றலால் பல தலைமுறைகளை கவர்ந்தவர் ரஜினி என அவரது 75 ஆவது பிறந்தநாளில் பிரதமர் நரேந்திர மோடி வாழ்த்து தெரிவித்துள்ளார். மேலும் ரஜினி ஆரோக்கியமாக நீண்ட காலம் வாழ பிரார்த்திப்பதாகவும் தெரிவித்துள்ளார்.
இதுகுறித்து அவர் தனது எக்ஸ்வலைதளத்தில் கூறியிருப்பதாவது: திரு ரஜினிகாந்த் அவர்களின் 75-வது பிறந்தநாள் எனும் சிறப்பான தருணத்தில் அவருக்கு வாழ்த்துகள். அவரது நடிப்பாற்றல் பல தலைமுறைகளைக் கவர்ந்துள்ளது; பரவலான பாராட்டைப் பெற்றுள்ளது. அவரது திரையுலகப் படைப்புகள் பல்வேறு பாத்திரங்கள் மற்றும் பாணிகளில் பரவி, தொடர்ச்சியான முத்திரைகளைப் பதித்துள்ளன. திரைப்பட உலகில் அவர் 50 ஆண்டுகளை நிறைவு செய்திருப்பது இந்த ஆண்டின் குறிப்பிடத்தக்க அம்சமாகும். அவரது நீண்டகால, ஆரோக்கியமான வாழ்க்கைக்காகப் பிரார்த்திக்கிறேன். இவ்வாறு அவர் தெரிவித்துள்ளார்.
ரஜினியின் 75ஆவது பிறந்தநாள் விழா இன்று கொண்டாடப்படுகிறது. இதையொட்டி நேற்று இரவே ரஜினியின் போயஸ் தோட்ட வீட்டிற்கு ரசிகர்கள் கூடி கேக் வெட்டி கொண்டாடினர். அப்போது லதா ரஜினிகாந்த் வெளியே வந்து ரசிகர்களுக்கு நன்றி தெரிவித்தார்.
மேலும் எல்லா ரசிகர்களும் ஜாக்கிரதையாக வீட்டிற்கு திரும்ப வேண்டும். உங்கள் எல்லா அன்பையும் ரஜினியிடம் கூறுகிறேன் என தெரிவித்ததுடன், படையப்பா படம் ரிலீஸ் குறித்தும் அவர் தெரிவித்ததால் ரசிகர்கள் உற்சாகம் அடைந்தனர்.
Click it and Unblock the Notifications
Sign in with Google