வேட்பாளர் பட்டியலை வெளியிட்டார் ராமதாஸ்.. அன்புமணி அறிவித்த வேட்பாளர்களை எதிர்த்து போட்டி!
சென்னை: முதற்கட்ட வேட்பாளர் பட்டியலை வெளியிட்டுள்ளார் பாமக நிறுவனர் ராமதாஸ். 5 பேர் கொண்ட இந்த பட்டியலில், அன்புமணி அறிவித்துள்ள வேட்பாளர்களை எதிர்த்து சேலம் அருள், சுரேஷ் உள்ளிட்ட 3 பேர் களம் காண்கின்றனர்.
பாட்டாளி மக்கள் கட்சியின் நிறுவனர் ராமதாஸ் அன்புமணி ராமதாஸ் இடையே ஏற்பட்ட கருத்து வேறுபாடு முற்றிய நிலையில் இரு தரப்பினரும் தனித்தனியாக செயல்பட்டு வருகின்றனர். அன்புமணி அதிமுக தலைமையிலான என்டிஏ கூட்டணியில் இணைந்துள்ள நிலையில் 18 தொகுதிகள் ஒதுக்கப்பட்டுள்ளது.
அன்புமணி, பாமகவை கைப்பற்றிய நிலையில், சசிகலா தலைமையிலான அனைத்திந்திய புரட்சித்தலைவர் மக்கள் முன்னேற்றக் கழகத்துடன் இணைந்து சட்டசபை தேர்தலை சந்திக்கிறது ராமதாஸ் தலைமையிலான பாமக. இந்நிலையில், 5 தொகுதிகளுக்கான வேட்பாளர்களை அறிவித்துள்ளார் ராமதாஸ்.
பாமக வேட்பாளர்கள்
1. சேலம் மேற்கு தொகுதி - இரா.அருள், பாமக மாநில இணைப் பொதுச் செயலாளர்
2. வந்தவாசி தொகுதி - முரளி சங்கர், பாமக பொதுச் செயலாளர்
3. கும்பகோணம் தொகுதி - ம.க.ஸ்டாலின், பாமக மாநில நிர்வாககுழு உறுப்பினர், மாவட்டச் செயலாளர், ஆடுதுறை பெரூராட்சி மன்ற பெருந்தலைவர்
4. விருத்தாசலம் தொகுதி - E.K.சுரேஷ், பாமக மாவட்டச் செயலாளர்
5. மயிலாடுதுறை தொகுதி - பாக்கம் சக்திவேல், பாமக மாவட்டச் செயலாளர்
Click it and Unblock the Notifications
Sign in with Google