ரஜினி மற்றும் கமலுக்கு எனது ஆதரவு இல்லை... சிரிக்காமல் சொல்லும் பவர்ஸ்டார் சீனிவாசன்..!
சென்னை: அரசியலில் நடிகர்கள் ரஜினிகாந்த் மற்றும் கமல்ஹாசன் ஆகிய இருவருக்கும் தனது ஆதரவு கிடையாது எனக் கூறியுள்ளார் பவர்ஸ்டார் சீனிவாசன்.
பவர்ஸ்டார் சீனிவாசனின் இந்தப் பேட்டியை பார்த்து அழுவதா இல்லை சிரிப்பதா எனத் தெரியாமல் கமல், ரஜினி ரசிகர்கள் பவரை கலாய்க்க தொடங்கியுள்ளனர்.
பவர்ஸ்டாரை பொறுத்தவரை விடுதலை சிறுத்தைகள், பாஜக, என பல கட்சிகளில் இருந்தாலும் அவரை ஒதுக்கியே வைத்து வந்தது அக்கட்சிகளின் தலைமை.
விளம்பர பிரியர்
அக்குபஞ்சர் டாக்டரான சீனிவாசன் சினிமா மீது கொண்ட மோகம் காரணமாக லத்திகா என்ற திரைப்படத்தில் நடித்து அதனை சொந்தமாக தயாரித்தார். அதனை அவரே அவருடைய ஆட்களை அனுப்பி நொடிந்துபோன திரையரங்குகளில் வலுகட்டாயமாக ஓட வைக்கவும்செய்தார். இதில் விளம்பரபிரியரான சீனிவாசன் தனது பெயருக்கு முன்னால் பவர்ஸ்டார் என்ற அடைமொழியை சேர்த்துக்கொண்டார்.
பாஜக
தொடக்கத்தில் விடுதலை சிறுத்தைகள் கட்சியில் இருந்த பவர் ஸ்டார் சீனிவாசன் பல்வேறு தில்லுமுல்லுகளில் ஈடுபட்டதை அடுத்து கட்சியில் இருந்து ஓரங்கட்டி வைத்தார் திருமா. பின்னர் நேராக கமலாலயம் முகாமிற்கு தாவிய அவர் பாஜகவில் இணைந்தார். ஆனால் அங்கும் பவரின் வில்லங்கத்தனமான செயல்பாடுகளை கண்டு ஒதுக்கி வைத்தது தலைமை.
ரஜினி மற்றும் கமல்
இந்நிலையில் ரஜினிகாந்த் மற்றும் கமல்ஹாசனுக்கு தனது ஆதரவு கிடையாது என சிரிக்காமல் சொல்லியிருக்கிறார் பவர்ஸ்டார் சீனிவாசன். ரஜினியும் கமலும் பவர்ஸ்டார் சீனிவாசனின் ஆதரவை எதிர்பார்த்து காத்திருப்பது போலவும் அதற்கு ஏதோ இவர் இப்படி பதிலளிப்பது போலவும் நினைத்துக்கொண்டு இந்தக் கருத்தைக் கூறியிருக்கிறார் பவர்.
ரசிகர்கள்
இதனிடையே பவர்ஸ்டார் சீனிவாசனின் இந்தப் பேட்டியை கண்டு ரஜினி மற்றும் கமல் ரசிகர்கள் அவரை கலாய்க்க தொடங்கியிருக்கின்றனர். ஒரு சிலர் பவர்ஸ்டாரை தங்கள் இஷ்டத்திற்கு வசைபாடியும் சமூக வலைதளங்களில் கருத்து பதிவிட்டு வருகின்றனர்.