வாடகைக்கு தனியார் பஸ்கள்.. விழுப்புரம், திருவண்ணாமலை, வேலூர்.. அடேங்கப்பா.. எகிறி அடிக்கும் தமிழக அரசு

Updated: Friday, October 11, 2024, 18:01 [IST]

Subscribe to Oneindia Tamil

சென்னை: பொதுமக்களின் வசதிக்காகவும், நன்மைக்காகவும், ஏராளமான சிறப்பு பேருந்துகளை இயக்கி வருகிறது.. இந்நிலையில், அரசு போக்குவரத்து கழகம், தனியார் பேருந்துகளை வாடகைக்கு எடுத்து இயக்கி வருகிறது.

இன்றைய தினம் ஆயுத பூஜை மற்றும் நாளைய தினம் விஜய தசமி, நாளை மறுநாள் ஞாயிற்றுக்கிழமை என தொடர் விடுமுறை விடப்பட்டுள்ளது.. இதனால் கல்வி நிறுவனங்கள், அலுவலகங்கள் அனைத்துக்கும் விடுமுறை அளிக்கப்பட்டிருக்கின்றன.

பயணிகள்: சென்னையில் வசிக்கும் வெளியூர் மக்கள் தங்கள் சொந்த ஊர்களுக்கு நேற்றைய தினமே புறப்பட்டு சென்றார்கள். முன்கூட்டியே பயணிகளின் வசதிக்காக தமிழக போக்குவரத்து கழகம் சிறப்பு பஸ்களை இயக்குவதாக அறிவித்திருந்தது.

அதேபோல, தசரா திருவிழா கொண்டாடப்படுவதால் குலசேகரன்பட்டினத்திற்கு சென்னை கிளாம்பாக்கத்தில் இருந்தே சிறப்பு பஸ்கள் இயக்கப்பட்டுள்ளன.. தூத்துக்குடி, திருச்செந்தூர், நெல்லை உள்ளிட்ட தென் மாவட்டங்களுக்கும் அரசு போக்குவரத்து கழகம் சார்பில் சிறப்பு பேருந்துகள் இயக்கப்பட்டு வருகின்றன.

சென்னை: அந்தவகையில், சென்னையிலிருந்து இயக்கப்பட்ட பேருந்துகளில் 1.62 லட்சம் பேர் பயணித்துள்ளதாக தகவலும் வெளியாகியிருந்தது.. அதாவது, சென்னையிலிருந்து பல்வேறு ஊர்களுக்கு தினசரி இயக்கக்கூடிய 2,092 பஸ்களுடன் கூடுதலாக 1,028 பஸ்களும் என மொத்தம் 3,120 பஸ்கள் இயக்கப்பட்டன. இவற்றில் ஒரு லட்சத்து 62 ஆயிரத்து 240 பயணிகள் பயணித்திருக்கிறார்களாம்..

எனினும், பயணிகளின் வசதிக்காக தமிழ்நாடு அரசுப் போக்குவரத்து கழகத்தின் விழுப்புரம் கோட்டத்தில் தனியார் பேருந்துகள் ஒப்பந்த அடிப்படையில் இயக்கப்பட்டு வருகின்றன.. சென்னை கிளாம்பாக்கம் பஸ் ஸ்டாண்டிலிருந்து, திருவண்ணாமலை , திருச்சி , வேலூர் ஆகிய நகரங்களுக்கு வார இறுதிநாட்கள் , ஆயுத பூஜை பண்டிகை நாட்களை முன்னிட்டு தனியார் பேருந்துகள் ஒப்பந்த அடிப்படையில் இயக்கப்பட்டு வருகின்றன.. இதனால் பயணிகள் கூட்ட நெரிசலின்றி சொந்த ஊர்களுக்கு சென்றிருக்கிறார்கள்.

சிறப்பு தகவல்: விடுமுறை நாட்களையொட்டி திருவண்ணாமலை, திருச்சி, வேலூர் ஆகிய நகரங்களுக்கு தனியார் பேருந்துகளை வாடகைக்கு எடுத்து இயக்குவதாக தகவல் வெளியாகியிருப்பது, வெளியூர் சென்றுள்ள மற்ற பயணிகளுக்கும் மகிழ்ச்சியையும், நம்பிக்கையையும் தந்து வருகிறது.