பிரியமானவள்னு பேரை வச்சுட்டு... பொம்பளை கையில துப்பாக்கியை குடுத்திட்டீங்களேய்யா....!

சென்னை: சன் டிவியின் பிரியமானவள் சீரியல் சனி கிழமையோடு முடிந்தது (அப்பாடடான்னு ரொம்ப குடும்பங்கள் நிம்மதிப் பெருமூச்சு விடுதாம்). இன்று முதல் அந்த நேரத்தில் அருந்ததி சீரியல் ஒளிபரப்பாக இருக்கிறது.

ஒரு குடும்பம் சந்தோஷமாக இருக்க என்னென்ன தேவையோ அது அனைத்தும் பிரியமானவள் சீரியலில் இல்லை. உமா- கிருஷணன் தம்பதியின் குடும்ப சந்தோஷத்தை விரோதம், குரோதம், வன்மம், கொலை, கடத்தல் என்று கதையை கொண்டு சென்றார்கள்.

தர்மாதான் மனைவியையும், அவளின் தங்கையையும் கொன்றான் என்று நம்ப வைக்க போதிய ஆதாரம் இல்லை திலீபனுக்கு. குற்றவாளி கூண்டில் நிற்கிறான் திலீபன்.

வீடியோ ஆதாரம்

ஆதாரமான வீடியோ கிடைக்கவில்லை. எனவே, திலீபன்தான் குற்றவாளி என்று தீர்ப்பு எழுதிய நேரத்தில் வீடியோ ஆதாரத்தை மானம்கெட்ட மாப்பிள்ளையின் பொண்டாட்டி கொண்டு வந்து தருகிறாள்.

கிடைத்தது வீடியோ

தர்மா தனது வாயால் நான்தான் மனைவியையும் அவளின் தங்கையையும் கொன்றேன்..அதற்கு என்ன ஆதாரம் இருக்கிறது என்று குடி போதையில் பேசும் வீடியோ கிடைத்து விடுகிறது.

பேசறான் தர்மா

தர்மாவுக்கு ஆயுள் தண்டனை விதித்து கோர்ட்டும் தீர்ப்பு வழங்கி ஜெயிலுக்கு போக தயாரான போதும், உமா குடும்பத்தை பார்த்து வீர வசனம் பேசறான் தர்மா.

அறிவு வராது

சில ஜென்மங்களுக்கு தண்டனை கொடுத்தாலும் அறிவு வராது என்று உமா சொல்கிறாள். தனது இரண்டு மகள்களையும் கொன்றான் மாப்பிள்ளை என்று தெரிந்த மாமியார், ஆமாம் உமா நீ சொல்றது சரிதான்.. இந்த மாதிரி ஜென்மங்களை அப்படியே விட்டுட கூடாதுன்னு சொல்றாங்க.

இரண்டு தோட்டாக்கள்

பார்க்கறாங்க. .பக்கத்தில் இன்ஸ்பெக்டர் போன் பேசிக்கொண்டு இருக்கார். அவரது துப்பாக்கியை எடுத்து தர்மான்னு கூப்பிடறாங்க. அவன் திரும்ப இரண்டு தோட்டாக்கள் அவன் மீது பாய்கிறது. உமா... இனியாவது உன் குடும்பத்தோட மகிழ்ச்சியை நீ நினைச்ச மாதிரி வாழுன்னு சொல்றாங்க.

அசால்ட்டா

இவ்ளோ அசால்ட்டா இன்ஸ்பெக்டர் இருப்பாங்களா... இவ்வளவு வன்முறையை திணித்த சீரியலில் கடைசியில் பொம்பளை கையாலேயே அந்த வன்முறையை முடிச்சு வைத்தது சீரியலின் பெயருக்கு பொருத்தமாக இல்லை.

English summary

Sun TV's priyamanaval Serial ended on Saturdays. From now on there is Arundhati serial airing.