இரவில் வீடியோ கால்.. வாட்ஸ் ஆப்பில் ஆபாச வீடியோக்களை பகிர்ந்த பத்ம சேஷாத்ரி ஆசிரியர் ராஜகோபாலன்

Published: Monday, May 24, 2021, 16:34 [IST]

Subscribe to Oneindia Tamil

சென்னை: இரவில் வீடியோ காலில் தொந்தரவு செய்யும் பத்ம சேஷாத்ரி பால பவன்பள்ளியின் வணிகவியல் ஆசிரியர், மாணவிகளுக்கு வாட்ஸ் ஆப்பில் ஆபாச படங்களின் வீடியோ லிங்குகளையும் ஷேர் செய்த சம்பவம் அதிர்ச்சியை ஏற்படுத்தியுள்ளது.

துன்புறுத்தல்

இதுகுறித்து முன்னாள் மாணவி ஒருவர் தனது இன்ஸ்டா பக்கத்தில் கூறுகையில் ஆசிரியர் ராஜகோபாலன் பள்ளி வகுப்பறையில் பாலியல் ரீதியாக துன்புறுத்தி வருகிறார். எனது தோழி ஒருவரை சினிமாவுக்கு அழைத்தார். வாட்ஸ் ஆப் குரூப்களில் ஆபாச வீடியோ லிங்குகளை அனுப்புகிறார். ஆன்லைன் வகுப்புகளில் வெறும் துண்டை மட்டும் கட்டிக் கொண்டு வருகிறார் என புகார் அனுப்பினார் மாணவி.

பொருந்தாத செயல்

இதுகுறித்த ஸ்க்ரீன்ஷாட்டுகளையும் அந்த மாணவி அனுப்பியுள்ளார். வாட்ஸ் ஆப்பில் அந்த ஆசிரியர் இன்று நீ ப்ரீயாக இருந்தால் நாம் சினிமாவுக்கு போகலாமா என கேட்டுள்ளார். அதற்கு மாணவி பதிலளிக்கையில், சார் ஒரு ஆசிரியருக்கு இது பொருந்தாத செயல். டீச்சர், மாணவர் உறவெல்லாம் பள்ளி, வகுப்பறைகள், பாடத்துடன் முடிந்துவிட்டது.

பாதிக்கப்பட்ட மாணவி

தற்போது கொரோனா தொற்று காலத்தில் பொறுப்புள்ள குடிமகளாக நான் எங்கும் வெளியே வர விரும்பவில்லை என அந்த மாணவி தெரிவித்துள்ளார். அதற்கு அவர் நான் உன்னை எனது மகளாக பார்க்கிறேன் என பதில் அனுப்பியுள்ளதாக பாதிக்கப்பட்ட மாணவி புகார் தெரிவித்துள்ளார்.

புகார்

இதுகுறித்து பள்ளி நிர்வாகத்திடம் கேட்ட போது இதுகுறித்து எந்த புகாரும் இதுவரை எங்களுக்கு வரவில்லை. முறைபடி மாணவிகள் புகார் செய்தால் வெளிப்படைத்தன்மையாக விசாரித்து ஆசிரியர் மீது நடவடிக்கை எடுக்கத் தயாராக உள்ளோம் என பள்ளி நிர்வாகம் தெரிவித்துள்ளது.

Published On May 24, 2021