10, 11, 12ம் வகுப்புக்கான பொதுத்தேர்வு அட்டவணை வெளியீடு! தேர்வு எப்போது? ரிசல்ட் எப்போது? முழு தகவல்

Updated: Monday, October 14, 2024, 15:24 [IST]

Subscribe to Oneindia Tamil

சென்னை: 10, 11 மற்றும் 12 ஆம் வகுப்புக்கான 2024 -2025 ஆம் ஆண்டு பொதுத்தேர்வு அட்டவணையை அமைச்சர் அன்பில் மகேஷ் பொய்யாமொழி வெளியிட்டுள்ளார். செய்முறை தேர்வு எப்போது? பொதுத்தேர்வு எப்போது? ரிசல்ட் எப்போது என்பது உள்ளிட்ட அனைத்து தேதிகளும் வெளியிடப்பட்டுள்ளது.

10, 11, 12ம் வகுப்புக்கான பொதுத்தேர்வு அட்டவணை வெளியிடப்பட்டுள்ளது. பள்ளிக்கல்வித்துறை அமைச்சர் அன்பில் மகேஷ் பொய்யாமொழி இந்த அறிவிப்பினை வெளியிட்டார். அதில் கூறப்பட்டிருப்பதாவது:-

public examination anbil mahesh poyyamozhi tamil nadu

பொதுத்தேர்வு எப்போது?:

* 12 ஆம் வகுப்புக்கான பொதுத் தேர்வானது வரும் மார்ச் 3 -25 ஆம் தேதி வரை நடைபெறும்.
* 11 ஆம் வகுப்புக்கான பொதுத் தேர்வானது வரும் மார்ச் 5 - 27 ஆம் தேதி வரை நடைபெறும்.
* 10 ஆம் வகுப்புக்கான பொதுத் தேர்வானது வரும் மார்ச் 28 - ஏப்ரல் 15 ஆம் தேதி வரை நடைபெறும்.

செய்முறை தேர்வு:

* 12 ஆம் வகுப்புக்கான செய்முறை தேர்வு பிப்ரவரி 7 முதல் 14 ஆம் தேதி வரை நடைபெறும்.
* 11ஆம் வகுப்புக்கான செய்முறை தேர்வு பிப்ரவரி 11 முதல் 21 ஆம் தேதி வரை நடைபெறும்.
* 10ஆம் வகுப்புக்கான செய்முறை தேர்வு பிப்ரவரி 22 முதல் 28 ஆம் தேதி வரை நடைபெறும்.

ரிசல்ட் எப்போது?:

12 ஆம் வகுப்புக்கான பொதுத்தேர்வு முடிவானது வரும் மே 1 ஆம் தேதி வெளியிடப்படும்.
11 ஆம் வகுப்புக்கான பொதுத்தேர்வு முடிவானது வரும் மே 19 ஆம் தேதி வெளியிடப்படும்.
10 ஆம் வகுப்புக்கான பொதுத்தேர்வு முடிவானது வரும் மே 19 ஆம் தேதி வெளியிடப்படும்.

10ஆம் வகுப்பு பொதுத்தேர்வு:

* 28.03.2025 வெள்ளிகிழமை தமிழ் மற்றும் இதர மொழிப்பாடங்களுக்கு தேர்வு நடைபெறுகிறது.
* 02.04.2025 புதன்கிழமை ஆங்கில பாடத்திற்கான தேர்வு நடைபெறுகிறது.
* 04.04.2025 வெள்ளிக்கிழமை விருப்ப (ஆப்ஷனல்) மொழிக்கான தேர்வு நடைபெறுகிறது.
* 07.04.2025 திங்கட்கிழமை கணக்கு பாடத்திற்கான தேர்வு நடைபெறுகிறது.
* 11.04.2025 வெள்ளிக்கிழமை அறிவியல் பாடத்திற்கான தேர்வு நடைபெறுகிறது.
* 15.04.2024 செவ்வாய்க்கிழமை சமூக அறிவியல் பாடத்திற்கான தேர்வு நடைபெறுகிறது.

11 ஆம் வகுப்பு பொதுத்தேர்வு:

* 05.03.2025 புதன்கிழமை தமிழ் மற்றும் இதர மொழிப்பாடங்களுக்கு தேர்வு நடைபெறுகிறது.
* 10.03.2025 திங்கட்கிழமை ஆங்கில பாடத்திற்கான தேர்வு நடைபெறுகிறது.
* 13.03.2025 வியாழக்கிழமை கம்ப்யூட்டர் சயின்ஸ், பயோ கெமிஸ்ட்ரி, புள்ளியியல் உள்ளிட்ட பாடங்களுக்கு தேர்வு நடக்கிறது.

* 17.03.2025 திங்கட்கிழமை உயிரியல், தாவரவியல், வரலாறு, வணிக கணிதம் உள்ளிட்ட பாடங்களுக்கு தேர்வு நடக்கிறது.
* 20.03.2025 வியாழக்கிழமை இயற்பியல், பொருளாதாரம் பாடங்களுக்கு தேர்வு நடக்கிறது.
* 24.03.2025 திங்கட்கிழமை கணிதம், விலங்கியல், வணிகம், மைக்ரோ பயாலெஜி உள்ளிட்ட பாடங்களுக்கு தேர்வு நடைபெறுகிறது.
* 27.03.2025 வியாழக்கிழமை வேதியியல், கணக்குப்பதிவியல், புவியியல் பாடங்களுக்கு தேர்வு நடைபெறுகிறது.

12 ஆம் வகுப்பு பொதுத்தேர்வு:

* 03.03.2025 திங்கட்கிழமை தமிழ் மற்றும் இதர மொழிப்பாடங்களுக்கு தேர்வு நடைபெறுகிறது.
* 06.03.2025 வியாழக்கிழமை ஆங்கில பாடத்திற்கான தேர்வு நடைபெறுகிறது.
* 11.03.2025 செவ்வாய்க்கிழமை கணிதம், விலங்கியல், வணிகம், நுண்ணுயிரியல் உள்ளிட்ட பாடங்களுக்கு நடக்கிறது.
* 14.03.2025 வெள்ளிக்கிழமை கம்ப்யூட்டர் சயின்ஸ், பயோ கெமிஸ்டரி, ஹோம் சயின்ஸ், புள்ளியியல், எத்திக்ஸ் அண்ட் இந்தியன் கல்சர் உள்ளிட்ட பாடங்களுக்கு தேர்வு நடக்கிறது.

* 18.03.2025 செவ்வாய்க்கிழமை உயிரியல், தாவரவியல், ஹிஸ்டரி, பிசினஸ் மேத்தமடிக்க்ஸ் மற்றும் ஸ்டட்டிஸ்டிக்ஸ் பாடங்களுக்கு நடக்கிறது.
* 21.03.2025 வெள்ளிக்கிழமை வேதியியல், கணக்குப் பதிவியியல், புவியியல் பாடங்களுக்கு தேர்வு நடக்கிறது.
* 25.03.2025 செவ்வாய்க்கிழமை இயற்பியல், பொருளாதாரம் பாடங்களுக்கு தேர்வு நடக்கிறது.

* 10, 11 மற்றும் 12 ஆம் வகுப்புக்கான பொதுத்தேர்வுகள் அனைத்தும் காலை 10 மணிக்கு தொடங்கி மதியம் 1.15 மணிக்கு முடிவடையும். இவ்வாறு அதில் கூறப்பட்டுள்ளது.