6-10 வகுப்புகளுக்கான காலாண்டு தேர்வு இன்று முதல் தொடங்குகிறது!

சென்னை: தமிழ்நாட்டில் 6 முதல் 12ம் வகுப்பு மாணவர்களுக்கான காலாண்டு தேர்வுக்கான அட்டவணை ஏற்கெனவே வெளியாகியிருந்த நிலையில், இன்று 6 - 10 வகுப்புகளுக்கான காலண்டு தேர்வு தொடங்குகிறது.

தமிழக பள்ளிக்கல்வி பாடத்திட்டத்தில் 1 முதல் 12-ம் வகுப்பு வரை பயிலும் மாணவ, மாணவிகளுக்கான பள்ளி வேலைநாட்கள், தேர்வுகள், விடுமுறை உள்பட விவரங்கள் அடங்கிய கல்வியாண்டு நாட்காட்டி 2018-ம் ஆண்டு முதல் வெளியிடப்பட்டு வருகிறது.

இந்நிலையில் காலாண்டு தேர்வு குறித்த அட்டவணை கடந்த 9ம் தேதி வெளியானது. அதன்படி, 6 - 10 வகுப்புகளுக்கான காலண்டு தேர்வு செப்.20ம் தேதி தொடங்கி செப். 27ம் தேதி வரை நடைபெறுவதாகவும், பிளஸ் 1, பிளஸ் 2 வகுப்புகளுக்கான தேர்வுகள் 19ம் தேதி முதல் 27ம் தேதி வரை நடப்பதாகவும் தெரிவிக்கப்பட்டிருந்தது.

இதனையடுத்து அறிவிப்பின்படி, பிளஸ் 1, பிளஸ் 2 வகுப்புகளுக்கான காலாண்டு தேர்வு நேற்று தொடங்கியது. இன்று 6-10 வகுப்புகளுக்கான காலாண்டு தேர்வு தொடங்குகிறது.

தேர்வு நேரத்தை பொறுத்தவரை, 6ம் வகுப்புகளுக்கு காலை 9.30 மணி முதல் 11.30 மணி வரையும், 7ம் வகுப்புகளுக்கு மதியம் 1.15 மணி முதல் 3.15 வரைம், 8ம் வகுப்புகளுக்கு 9.30 முதல் 12 மணி வரையும், 9ம் வகுப்புகளுக்கு 1.15 முதல் 4.30 மணி வரையும், 10ம் வகுப்புகளுக்கு காலை 9.30 மணி முதல் 12.45 வரையும் தேர்வு நடைபெறும். இதையடுத்து செப். 28 முதல்அக். 2 வரை பள்ளி மாணவர்களுக்கு காலாண்டு விடுமுறை வழங்கப்பட உள்ளது.

English summary

While the schedule for the quarterly examination for the students of class 6 to 12 has already been published in Tamil Nadu, the quarterly examination for classes 6 - 10 will begin today.