தமிழகத்தில் இந்த 13 மாவட்டங்களில் இன்று மழைக்கு வாய்ப்பு.. வானிலை ஆய்வு மையம் தகவல்

சென்னை : தமிழகத்தில் இன்று, 13 மாவட்டங்களில், வெப்ப சலனத்தின் காரணமாக உருவாகும் மழைக்கு வாய்ப்பு உள்ளது என்று, வானிலை ஆய்வு மையம் தெரிவித்துள்ளது.

தமிழகத்தில் கடந்த ஒரு வாரமாக ஆங்காங்கு, வெப்ப சலன மழை பெய்து வருகிறது. நேற்று, அதிகபட்சமாக, கன்னியாகுமரி மாவட்டம், சிவலோகம் பகுதியில் 6 செ.மீ., மழை பெய்துள்ளது.

இந்த நிலையில் இன்று, சேலம், தர்மபுரி, கோவை, நீலகிரி, ஈரோடு, கிருஷ்ணகிரி, தேனி, திண்டுக்கல், மதுரை, திருநெல்வேலி, தென்காசி, விருதுநகர் மற்றும் கன்னியாகுமரி ஆகிய மாவட்டங்களில், மிதமான மழைக்கு வாய்ப்புள்ளதாம்.

மதுரை, திருச்சி, கரூர், சேலம், வேலுார் ஆகிய மாவட்டங்கள் மற்றும் திருத்தணியில் இன்று வெயில் கொளுத்தும். அங்கு 41 டிகிரி செல்சியஸ் வரை வெயில் பதிவாகும் வாய்ப்பு உள்ளதாம். சென்னையில் குறைந்தபட்ச வெப்ப நிலை 28 டிகிரி செல்சியசாகவும், அதிகபட்சம் 36 டிகிரி செல்சியஸ் வெப்பமும் பதிவாகும். இவ்வாறு, வானிலை மையம் தெரிவித்து உள்ளது.

English summary

Thunderstorms are likely to occur in 13 districts in Tamil Nadu today, the Meteorological Department said.It has been raining in Tamil Nadu for the past one week. Yesterday, the maximum rainfall in the Kanyakumari district, Sivalokam area, was 6 cm.