குறைந்த காற்றழுத்த தாழ்வு நிலை ஒருபக்கம்.. வளிமண்டல சுழற்சி மறுபக்கம்.. தமிழகத்தில் மழை வெளுக்கும்

சென்னை: தமிழக கடலோர பகுதியில் குறைந்த காற்றழுத்த தாழ்வு நிலை நிலவுகிறது. மேலும் மாலத்தீவு பகுதியில் வளிமண்டலத்தில் மேலடுக்கு சுழற்சி நிலவுகிறது.

கடந்த 24 மணி நேரத்தில் தமிழகம் மற்றும் புதுவையில் ஒரு சில இடங்களில் மழை பெய்துள்ளது. அதிகபட்சமாக, திருவாரூர் மாவட்டம் திருத்துறைப்பூண்டியில் 10 செ.மீ மழை பெய்துள்ளது.

அடுத்த 24 மணி நேரத்தில் தென் தமிழகத்தில் பரவலாகவும், வட தமிழகத்தில் ஒரு சில இடங்களிலும், மிதமான மழை பெய்யக்கூடும். டெல்டா மாவட்டங்கள், புதுக்கோட்டை, கடலூர், புதுவை, காரைக்கால் ஆகிய பகுதிகளில் ஓரிரு இடங்களில் கனமழை பெய்யக்கூடும் .

சென்னையில் வானம் மேகமூட்டத்துடன் காணப்படும். நகரின் ஒரு சில இடங்களில் மழை பெய்யக்கூடும்.

சென்னை, காஞ்சிபுரம், திருவள்ளூர் ஆகிய மாவட்டங்களில் மிக அதிக மழையை எதிர் பார்க்க முடியாது. தென் தமிழகத்திலும், வட தமிழகத்தின் கடலோர பகுதிகளில் நல்ல மழை இருக்கும்.

அக்டோபர் 1 முதல் இன்று வரையிலான காலகட்டத்தில் தமிழகம் மற்றும் புதுவையில் பதிவான மழையளவு 31 செ.மீ. இந்த காலகட்டத்தில் இயல்பு அளவு 35 செ.மீயாக இருக்கும். எனவே 12 சதவீதம் மழை குறைவாகும்.

English summary

Heavy rain will lash in south districts in Tamilnadu, says Chennai meteorological department.