இருக்கு.. தென் கடலோர மாவட்டங்கள், உள் மாவட்டங்களில் இடி, மின்னலுடன் மழை இருக்கு: வானிலை மையம்

சென்னை: தமிழக பகுதிகளின் மேல் நிலவும் வளி மண்டல கீழடுக்கு சுழற்சி மற்றும் வெப்ப சலனம் காரணமாக, 02.05.2022, 03.05.2022: தெற்கு கடலோர தமிழக மாவட்டங்கள் மற்றும் உள் தமிழக மாவட்டங்களில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என்று சென்னை வானிலை ஆய்வு மையம் தெரிவித்துள்ளது.

04.05.2022 முதல் 06.05.2022 வரை: தமிழ்நாடு, புதுவை மற்றும் காரைக்கால் பகுதிகளில் ஒரு சில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.

தமிழகத்தில் அடுத்த இரண்டு நாட்களுக்கு ஓரிரு இடங்களில் அதிகபட்ச வெப்பநிலை இயல்பிலிருந்து 2 - 3 டிகிரி செல்சியஸ் அதிகமாக இருக்கக்கூடும். சென்னையை பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 38 டிகிரி செல்சியஸ் மற்றும் குறைந்தபட்ச வெப்பநிலை 28 டிகிரி செல்சியஸை ஒட்டி இருக்கக்கூடும்.

கடந்த 24 மணி நேரத்தில் பதிவான மழை அளவு (சென்டிமீட்டரில்): பெருந்துறை (ஈரோடு) 13, சோழவந்தான் (மதுரை) 6, பொள்ளாச்சி (கோவை) 4, மேட்டுப்பட்டி (மதுரை), பவானி (ஈரோடு) , ஓசூர் (கிருஷ்ணகிரி) , கேட்டி (நீலகிரி) , காஞ்சிபுரம், மேட்டூர் (சேலம்) தலா 3, ராயக்கோட்டை (கிருஷ்ணகிரி), சூளகிரி (கிருஷ்ணகிரி), சேந்தமங்கலம் (நாமக்கல்), வால்பாறை PTO (கோவை), அரக்கோணம் (ராணிப்பேட்டை), சின்னக்கல்லார் (கோவை), காவேரிப்பாக்கம் (ராணிப்பேட்டை) தலா 2, பரூர் (கிருஷ்ணகிரி, திண்டிவனம் (விழுப்புரம்), எட்டயபுரம் (தூத்துக்குடி), ஊத்துக்குளி (திருப்பூர்), குமாரபாளையம் (நாமக்கல்), தருமபுரி, கிருஷ்ணகிரி, கோபிசெட்டிபாளையம் (ஈரோடு), மாரண்டஹள்ளி (தர்மபுரி), வாடிப்பட்டி (மதுரை), திருவாலங்காடு (திருவள்ளூர்), சத்தியபாமா பல்கலை கழகம் (செங்கல்பட்டு), வேடசந்தூர் (திண்டுக்கல்), வெம்பாக்கம் (திருவண்ணாமலை) தலா 1.

மீனவர்களுக்கான எச்சரிக்கை: 04.05.2022, 05.05.2022: மத்திய கிழக்கு வங்க கடல், தென்கிழக்கு வங்க கடல் மற்றும் அந்தமான் கடல் பகுதிகளில் சூறாவளி காற்று மணிக்கு 40 முதல் 50 கிலோ மீட்டர் வேகத்திலும் இடையிடையே 60 கிலோ மீட்டர் வேகத்திலும் வீசக்கூடும். 06.05.2022: மத்திய கிழக்கு வங்க கடல், தென்கிழக்கு வங்க கடல் மற்றும் அந்தமான் கடல் பகுதிகளில் சூறாவளி காற்று மணிக்கு 50 முதல் 60 கிலோ மீட்டர் வேகத்திலும் இடையிடையே 70 கிலோ மீட்டர் வேகத்திலும் வீசக்கூடும்.

மேற்குறிப்பிட்ட நாளில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்தப்படுகிறார்கள். இவ்வாறு சென்னை வானிலை ஆய்வு மையம் தெரிவித்துள்ளது.

English summary

TN Weather: The Chennai Meteorological Department has forecast light to moderate showers with thundershowers at two places in the southern coastal districts and in the inner Tamil Nadu districts on 02.05.2022 and 03.05.2022. The maximum temperature in Tamil Nadu is likely to be 2-3 degrees Celsius in one or two places for the next two days. For Chennai, the sky will be partly cloudy for the next 48 hours. The maximum temperature may be around 38 degrees Celsius and the minimum temperature may be around 28 degrees Celsius. Rainfall in the last 24 hours (in centimeters): Perundurai (Erode) 13, Cholavandan (Madurai) 6, Pollachi (Coimbatore) 4, Mettupatti (Madurai), Bhavani (Erode), Hosur (Krishnagiri), Katty (Nilgiris), Kanchipuram , Mettur (Salem) Thala 3, Rayakottai (Krishnagiri), Choolagiri (Krishnagiri), Senthamangalam (Namakkal), Valparai PTO (Coimbatore), Arakkonam (Ranipettai), Chinnakallar (Coimbatore), Kaveripakkam (Ranipettai) Thala 2, Parur (Krishnagiri,) Tindivanam (Villupuram), Ettayapuram (Thoothukudi), Uthukkuli (Tiruppur), Kumarapalayam (Namakkal), Dharmapuri, Krishnagiri, Gobichettipalayam (Erode), Marandahalli (Dharmapuri), Vadippatti (Madurai), Thiruvalankadu (Tiruvallur), Satyabhama University (Chengalpattu) , Vedasandur (Dindigul), Vembakkam (Thiruvannamalai) each 1 cm.