கமல்ஹாசனை அலுவலகம் சென்று சந்தித்த ரஜினிகாந்த்.. 20 நிமிடம் நீடித்த கலகல உரையாடல்!
நேற்று இரவு நடிகர் ரஜினி, நடிகரும் மக்கள் நீதி மய்யம் கட்சியின் தலைவருமான கமல்ஹாசனை சந்தித்தார்.
Recommended Video
சென்னை: நேற்று இரவு நடிகர் ரஜினி, நடிகரும் மக்கள் நீதி மய்யம் கட்சியின் தலைவருமான கமல்ஹாசனை சந்தித்தார். தனது மகள் சவுந்தர்யாவின் திருமணத்திற்காக கமல்ஹாசனுக்கு ரஜினி பத்திரிக்கை அளித்தார்.
நடிகர் ரஜினிகாந்தின் மகளான சவுந்தர்யாவின் திருமணம் வரும் 11ம் தேதி சென்னையில் நடைபெற இருக்கிறது. இந்த திருமணம் கொஞ்சம் எளிமையான முறையில் நடத்தப்பட திட்டமிடப்பட்டுள்ளது. முக்கிய நபர்கள், நெருங்கிய உறவினர்கள் மட்டுமே இந்த திருமணத்தில் கலந்து கொள்ள இருக்கிறார்கள்.
இதை முன்னிட்டு நடிகர் ரஜினி முக்கியஸ்தர்களை சந்தித்து திருமண அழைப்பிதழை வழங்கி வருகிறார். நேற்று முதல்நாள் தமிழக காங்கிரஸ் முன்னாள் தலைவர் திருநாவுக்கரசருடன் நடிகர் ரஜினிகாந்த் சந்திப்பு நடத்தி, திருமண அழைப்பிதழை வழங்கினார்.
அதேபோல் திமுக தலைவர் ஸ்டாலினிடமும் அவர் திருமண அழைப்பிதழை அளித்தார். இன்னும் சில முக்கியமான தலைவர்களை ரஜினிகாந்த் சந்திக்க இருக்கிறார்.
இந்த நிலையில் நேற்று இரவு நடிகர் ரஜினி, நடிகரும் மக்கள் நீதி மய்யம் கட்சியின் தலைவருமான கமல்ஹாசனை சந்தித்தார். நேற்று இரவு 8 மணி அளவில் இந்த சந்திப்பு நடந்தது.
சென்னை ஆழ்வார்பேட்டை இல்லத்தில் மக்கள் நீதி மய்யம் தலைவர் கமல்ஹாசனை நடிகர் ரஜினிகாந்த் சந்தித்து பேசினார். சுமார் 20 நிமிடங்கள் இந்த சந்திப்பு நடந்தது. நடிகர் கமல்ஹாசன் அரசியலில் தீவிரமாக இறங்கி இருப்பதாலும், நடிகர் ரஜினி விரைவில் அரசியலுக்கு வர உள்ளதாலும் இந்த சந்திப்பு அதிக முக்கியத்துவம் பெறுகிறது.
இதையடுத்து நிருபர்களை சந்தித்த ரஜினிகாந்த், இந்த சந்திப்பில் அரசியல் எதுவும் இல்லை என்று கூறினார்.