அஜித்துக்கு பத்மபூஷன் விருது.. விமான நிலையத்தில் சிம்பிளாக சொன்ன ரஜினி! என்ன சொன்னாருனு பாருங்க
சென்னை: திரையுலகில் பல மூத்த நடிகர்களுக்கு பத்மபூஷன் விருது அறிவிக்கப்பட்டிருக்கிறது. இந்த வரிசையில் தற்போது அஜித்குமாரும் இணைந்திருக்கிறார். அவருக்கு நடிகர் ரஜினி வாழ்த்துகளை தெரிவித்திருக்கிறார்.
ஆண்டுதோறும் குடியரசு தினத்தை முன்னிட்டு, பல்வேறு துறைகளில் சிறப்பாக சேவையாற்றிய முன்னோடிகளுக்கு பத்மபூஷன், பத்மவிபூஷன் மற்றும் பத்மஸ்ரீ உள்ளிட்ட விருதுகள் அறிக்கப்படும். அந்த வகையில் இந்த ஆண்டு பலருக்கும் பத்மபூஷன் விருது அறிவிக்கப்பட்டது. அதில், நடிகரும் விளையாட்டு வீரருமான அஜித்குமாரின் பெயர் இடம்பெற்றிருந்தது. சமீபத்தில் சர்வதேச அளவில் நடைபெற்ற கார் பந்தயத்தில் இவரது அணி பங்கேற்று வெற்றி கோப்பையை வென்றிருந்தது.
இந்த வெற்றிக்கு, நடிகர்கள் மட்டுமல்லாது அரசியல் தலைவர்களும் வாழ்த்துகளை பகிர்ந்துக்கொண்டனர். இப்படி இருக்கையில் கூலி படப்பிடிப்பை முடித்துக்கொண்டு விமானம் மூலம் சென்னை வந்த ரஜினிகாந்த்திடம் செய்தியாளர்கள் பேட்டி எடுக்க முயன்றனர். அப்போது அஜித்துக்கு பத்மபூஷன் விருது அறிவிக்கப்பட்டது குறித்து கேள்வி எழுப்பப்பட்டது. இதற்கு பதிலளித்த ரஜினி, 'வாழ்த்துகள்' என சிம்பிளாக ஒற்றை வரியில் முடித்துக்கொண்டார்.
VIDEO | Tamil Nadu: Actor Rajinikanth (@rajinikanth) arrives at #Chennai airport.
— Press Trust of India (@PTI_News) January 28, 2025
(Full video available on PTI Videos - https://t.co/n147TvrpG7) pic.twitter.com/R4Jzof6sJ4
இது தொடர்பான வீடியோ தற்போது சோஷியல் மீடியாக்களில் பரவலாக பகிரப்பட்டு வருகிறது.
அஜித் சாதனை:
நடிகர் அஜித் திரையுலகில், பெரிய பின்புலம் இல்லாமல் வந்தவர். தனது தனித்தன்மையான நடிப்பின் மூலம் ரசிகர்களின் மனதை வென்ற அவருக்கு, விளையாட்டின் மீது குறிப்பாக பைக், கார் பந்தயங்களின் மீது அதிக ஈடுபாடு இருந்திருக்கிறது. தொடக்கத்தில் பைக் ரேஸில் ஈடுபட்டிருந்த அவர், சக போட்டியாளர்கள் ஆச்சரியப்படும் அளவுக்கு ஸ்டன்ட் செய்து காட்டி மிரட்டியிருந்தார். ஆனால் இந்த பைக் ரேஸ்தான் அவருக்கு பெரிய பாதிப்பையும் ஏற்படுத்தியது.
ரேஸின் போது நடந்த விபத்து ஒன்றில் அஜித் கடுமையாக காயமுற்றார். அவரால் அடுத்த 6 மாதங்களுக்கு எந்த திரைப்படத்திலும் நடிக்க முடியாத அளவுக்கு ஆகிவிட்டது. மிக குறிப்பாக இவருக்கு வாய்ப்பு வழங்கிய முதல் இயக்குநரின் படத்தை முடித்துக்கொடுக்காமல் போனது. இந்த புள்ளிதான் அஜித்தை பைக் பந்தயத்திலிருந்து கார் ரேஸ் நோக்கி நகர்த்தியது. தான் பாதிக்கப்படுவது, தன்னையும், தன்னுடைய குடும்பத்தையும் தாண்டி சினிமா துறையையும் பாதிக்கிறது என்பதை அவர் உணர்ந்தார்.
அதேபோல பைக் பந்தயத்தில் ஆபத்துகள் அதிகம் இருக்கிறது என்பதையும் தெரிந்துக்கொண்ட அஜித், கார் ரேஸில் கவனம் செலுத்தினார். ஆனால் கார் ரேஸ் என்பது அந்த அளவுக்கு சுலபமானது கிடையாது.
மணிக்கு 200 கி.மீக்கும் அதிமான வேகத்தில் சென்றுக்கொண்டிருக்கும் காரை நீங்கள் ஓட்டும்போது ஒரு நொடி கவனத்தை சிதற விட்டால் கூட அது மரணத்திற்கு வழி வகுத்துவிடும். மட்டுமல்லாது G-Force எனப்படும் விசை உங்களை கடுமையாக சோதித்துவிடும். இந்த சவால்களை எல்லாம் தாண்டி, நடுத்தர வயதை கடந்து கார் பந்தயத்தில் அஜித் இன்றும் உற்சாகமாக ஈடுபட்டு வருகிறார் எனில், இதுதான் அவருடைய பெரிய சாதனையாக இருக்கிறது என்பது குறிப்பிடத்தக்கது.
Click it and Unblock the Notifications
Sign in with Google