ஏ.. சூப்பரப்பு... "பாட்ஷா".. கைதட்டி ரசித்த குழந்தை.. வாய்ஸ் மெசேஜ் அனுப்பிய ரஜினி..

சென்னை: பாட்ஷா படத்தை கைதட்டி ரசித்த குழந்தைக்கு நன்றி என ரஜினிகாந்த் வாய்ஸ் மெசேஜ் அனுப்பியுள்ளார். இதனால் அந்த குழந்தையின் பெற்றோர் மகிழ்ச்சியில் ஆழ்ந்துள்ளனர்.

ராஜா சின்ன ரோஜா திரைப்படத்தில் ஒரு பாடல் வரும். அதாவது சூப்பர் ஸ்டாரு யாருனு கேட்டா சின்ன குழந்தையும் சொல்லும் என்ற பாடல் இடம்பெற்றிருக்கும். இதற்கேற்ப ரஜினிகாந்த் என்றால் வயது வித்தியாசம் இன்றி சிறியவர்கள் முதல் பெரியவர்கள் வரை ரசிக்கிறார்கள்.

உங்களுக்கு யாரை பிடிக்கும் என கேட்டால் பேசும் குழந்தை கூட ரஜினி தாத்தா என மழலையில் கூறுவதை கேட்டிருக்கிறோம். அவரது திரைப்படம் என்றால் பெண்கள், குழந்தைகள், பெரியவர்கள் என முதல் நாளே புக் செய்து பார்க்கும் பழக்கம் 1980-களில் இருந்து இன்னும் இருக்கிறது.

அந்த வகையில் சிறிய குழந்தை ஒன்று ரஜினியின் படத்தை பார்த்து ரசிக்கும் வீடியோ வைரலாகி வருகிறது. அதில் பாட்ஷா திரைப்படம் ஒளிபரப்படுகிறது. அந்த குழந்தை தனது உறவினர் மீது அமர்ந்து கொண்டு பார்க்கிறது.

அப்போது ரகுவரன், ரஜினிகாந்த் சீன் ஓடிக் கொண்டிருக்கிறது. நல்லவங்களை ஆண்டவன் சோதிப்பான், ஆனால் கை விட மாட்டான், கெட்டவங்களுக்கு ஆண்டவன் நிறைய கொடுப்பான், ஆனால் கை விட்டுடுவான்.... என்ற டயலாக்கையும் அதனுடன் ஒலிப்பரப்பாகும் பாட்ஷா பாட்ஷா..... என்ற பின்னணி இசையையும் கேட்டபடி குழந்தை கைதட்டி சிரிக்கிறது.

இந்த வீடியோ வைரலானதை அடுத்து ரஜினிகாந்த் வாய்ஸ் மெசேஜ் அனுப்பியுள்ளார். அதில் அவருக்கே உரிய பாணியில் சிரித்துவிட்டு "காட் பிளஸ் யூ, தேங்க் யூ" என தெரிவித்துள்ளார். இதனால் குழந்தையின் பெற்றோர் பூரிப்படைந்துள்ளார்கள்.

English summary

Rajinikanth gave voice message for a baby who happily sees Batcha movie from TV.