ஸ்டைலா.. கெத்தா.. வீட்டின் முன் குவிந்த ரசிகர்களுக்கு தீபாவளி வாழ்த்து சொன்ன ரஜினிகாந்த்!
சென்னை: தீபாவளி பண்டிகை நாளான இன்று சென்னை போயஸ் தோட்டத்தில் உள்ள தனது வீட்டின் முன்பு திரண்டிருந்த ரசிகர்களை சந்தித்து நடிகர் ரஜினிகாந்த் வாழ்த்து தெரிவித்தார். சென்னையில் தனது வீட்டின் முன்பு கூடிய ரசிகர்களுக்கு நடிகர் ரஜினிகாந்த் தீபாவளி வாழ்த்து தெரிவித்து மகிழ்ந்துள்ளார்.
பண்டிகை தினங்களில், நடிகர் ரஜினிகாந்த் தனது வீட்டின் வெளியே திரண்டிருக்கும் ரசிகர்களை சந்தித்து வாழ்த்து தெரிவிப்பது வழக்கம். அந்தவகையில், தீபாவளி பண்டிகையையொட்டி சென்னை போயஸ் கார்டனில் உள்ள ரஜினிகாந்த் வீட்டின் முன்பு இன்று காலை முதலே ரசிகர்கள் ஏராளமானோர் கூடினர்.
தனது வீட்டின் முன்பாக திரண்ட ரசிகர்களுக்கு நடிகர் ரஜினிகாந்த் கையசைத்து வாழ்த்து கூறினார். இன்று காலை தனது வீட்டில் இருந்து வெளியே வந்த ரஜினிகாந்த், வீட்டின் வெளியே காத்திருந்த ரசிகர்களைப் பார்த்து கைகளை அசைத்து தீபாவளி வாழ்த்து தெரிவித்தார்.
ரசிகர்கள் உள்பட அனைவரும் நீண்ட ஆயுளுடனும் ஆரோக்கியத்துடனும் இருக்க வேண்டும் என ஆண்டவனை வேண்டிக்கொள்வதாக அவர் தெரிவித்தார். இதனைக் கேட்ட ரசிகர்கள் ஆரவாரத்துடன் முழக்கங்களை எழுப்பினர். அவர்களை உற்சாகப்படுத்தும் வகையில் ரசிகர்களை நோக்கி கையசைத்து அனைவருக்கும் தீபாவளி வாழ்த்து கூறினார் ரஜினிகாந்த்.
Click it and Unblock the Notifications
Sign in with Google