கண்டக்டர் ரஜினி சூப்பர் ஸ்டார் ஆவோம் என்று கனவில் நினைத்திருக்க மாட்டார்.. நமது அம்மா பதிலடி!

நடிகர் ரஜினிகாந்த் நடத்துனராக பணியை தொடங்கினார். அவர் தான் ஒரு சூப்பர் ஸ்டார் ஆவோம் என்று கனவில் கூட நினைத்திருக்க மாட்டார் என்று அதிமுக கட்சியின் நாளிதழான நமது அம்மா பதிலடி கொடுத்து இருக்கிறது.

Updated: Tuesday, November 19, 2019, 8:06 [IST]

Subscribe to Oneindia Tamil

Recommended Video

சூப்பர் ஸ்டார் ஆவோம்னு நினைத்தீர்களா பாஸ் ? நமது அம்மா பதிலடி

சென்னை: நடிகர் ரஜினிகாந்த் நடத்துனராக பணியை தொடங்கினார். அவர் தான் ஒரு சூப்பர் ஸ்டார் ஆவோம் என்று கனவில் கூட நினைத்திருக்க மாட்டார் என்று அதிமுக கட்சியின் நாளிதழான நமது அம்மா பதிலடி கொடுத்து இருக்கிறது.

நேற்று முதல்நாள் மக்கள் நீதி மையம் கட்சி தலைவரும் நடிகருமான கமல் திரைத்துறைக்கு வந்து 60 ஆண்டுகள் ஆனதையொட்டி இதற்காக விழா எடுக்கப்பட்டது. இதில் நடிகர் ரஜினிகாந்த் கலந்து கொண்டு பேசினார்.

தமிழக அரசியலில் கடந்த இரண்டு வருடங்களில் நடந்த அதிரடி மாற்றங்கள், ஆட்சி மாற்றங்கள், தேர்தல்கள் குறித்தும் நடிகர் ரஜினிகாந்த் பேசினார். இதில் தமிழக முதல்வர் குறித்தும் அவர் பேசினார்.

நினைத்திருக்க மாட்டார்

நடிகர் ரஜினிகாந்த் தனது பேச்சில், எடப்பாடி பழனிசாமி முதல்வர் ஆவோம் என்று கனவில் கூட நினைத்திருக்க மாட்டார். அவரின் ஆட்சி நான்கு, ஐந்து மாதம் கூட தாங்காது என்றார்கள். நான்கைந்து மாதங்களில் கவிழ்ந்து விடுமென 99% பேர் சொன்னார்கள். ஆனால் அதிசயம் நடந்தது. ஆட்சி நீடித்தது.

மிக கவனம்

அது மாதிரியான அதிசயம், அற்புதம் நேற்றும் நடந்தது. இன்றும் நடக்கிறது, நாளையும் நடக்கும். தமிழக அரசியலில் என்ன வேண்டுமானாலும் நடக்கும். நாம் அரசியலை கவனமாக பார்க்க வேண்டும், என்றார்

பதிலடி கொடுத்தது

இந்த நிலையில் தற்போது நடிகர் ரஜினிக்கு அதிமுக கட்சியின் நாளிதழான நமது அம்மா பதிலடி கொடுத்து இருக்கிறது. அதில், தமிழகத்தில் நிறைய ரீல் தலைவர்கள் இருக்கிறார்கள். சினிமாவில் இருந்து அரசியலுக்கு வர ரீல் தலைவர்கள் நினைக்கிறார்கள். ஆனால் தமிழக முதல்வர் எடப்பாடி பழனிசாமி அப்படி கிடையாது.

ரியல் தலைவர்

ரீல் தலைவர்களுக்கு மத்தியில் முதல்வர் பழனிசாமி ரியல் தலைவராக இருக்கிறார். சினிமாவில் வாய்ப்பு இல்லை என்றால், ஒரே ஒரு சினிமாவில் நடித்து புகழ் கிடைத்தால் கூட ரீல் தலைவர்கள் அரசியலுக்கு வர நினைக்கிறார்கள். முதல்வராக ஆசைப்படுகிறார்கள் . ஆனால் அதெல்லாம் நடக்காது.

மக்கள்

முதல்வர் பழனிசாமி கஷ்டப்பட்டு முன்னேறியவர். ஒரு தொண்டன் தலைவன் ஆக முடியும். தமிழ் உலகை ஆள முடியும் என்று நிரூபித்தவர். அவர் மக்களுக்கு சேவை செய்து முன்னேறியவர்.

ரஜினி பதிலடி

ரஜினி நடத்துனராக பணியை தொடங்கினார். அவரும் கூட தான் ஒரு சூப்பர் ஸ்டார் ஆவோம் என்று கனவில் நினைத்திருக்க மாட்டார். காலம் கொடுக்கும் வாய்ப்பை பயன்படுத்தி உழைப்பவர்கள் முன்னேறுவார்கள். அப்படித்தான் முதல்வர் பழனிசாமியும் முன்னேறினார், என்று நமது அம்மா நாளிதழ் குறிப்பிட்டுள்ளது .