உங்கள் வங்கி கணக்கில்.. எவ்வளவு மினிமம் பேலன்ஸ் வைத்திருக்கலாம்? ஆர்பிஐ வெளியிட்ட புது ரூல்ஸ்!

சென்னை: இந்திய ரிசர்வ் வங்கி (RBI) சேமிப்பு மற்றும் நடப்புக் கணக்குகளுக்கான குறைந்தபட்ச இருப்புத் தொகைக்குத் திருத்தங்களை அறிவித்துள்ளது. இந்த மாற்றங்கள் நேற்று இரவு முதல் நடைமுறைக்கு வந்தது. முன்னதாக ஒவ்வொரு வங்கியும் தங்கள் சொந்த வரம்புகளை நிர்ணயித்து வந்த நிலையில், தற்போது அனைத்து வங்கிகளுக்கும் ஒரே மாதிரியான குறைந்தபட்ச இருப்புத் தொகை விதியை கடைபிடிக்க வேண்டும் என்று உத்தரவிடப்பட்டு உள்ளது.

வங்கி குறைந்த பட்சம் இருப்பு தொகை

திருத்தப்பட்ட விதிகளின்படி, அனைத்து வணிக வங்கிகளுக்கான குறைந்தபட்ச இருப்புத் தொகையை ரிசர்வ் வங்கி நிர்ணயித்துள்ளது. சேமிப்புக் கணக்குகளைப் பொறுத்தவரை, நகர்ப்புறங்களில் ₹3,000 ஆகவும், அரைகுறை நகர்ப்புற மற்றும் கிராமப்புறங்களில் ₹1,500 ஆகவும் நிர்ணயிக்கப்பட்டுள்ளது. நடப்புக் கணக்குகளுக்கான புதிய வரம்புகள், கணக்கு வகை மற்றும் வணிகத் தன்மையைப் பொறுத்து ₹12,000 முதல் ₹30,000 வரை இருக்கும். வங்கிகள் தனிப்பட்ட முறையில் தங்கள் குறைந்தபட்ச இருப்புத் தொகையை நிர்ணயிப்பதற்கு பதிலாக, ரிசர்வ் வங்கி இதை விதிமுறைக்குள் கொண்டு வந்தது இதுவே முதல் முறையாகும். வங்கிகளின் தொடர்ச்சியான கோரிக்கைகளுக்குப் பிறகு ரிசர்வ் வங்கி இந்த முடிவை எடுத்துள்ளது.

எவ்வளவு அபராதம் விதிக்கப்படும்?

நிர்ணயிக்கப்பட்ட சராசரி மாத இருப்பைப் பராமரிக்கத் தவறும் வாடிக்கையாளர்கள் அபராதத்தைச் சந்திக்க நேரிடும். சேமிப்புக் கணக்குகளுக்கு மாதம் ₹100 முதல் ₹500 வரை அபராதம் விதிக்கப்படலாம். இதனால் குறைந்த வருவாய் பிரிவினர், மாணவர்கள், மூத்த குடிமக்கள், கிராமப்புற வாடிக்கையாளர்கள் போன்றோர் அதிகம் பாதிக்கப்படுவர். பல குறைந்த இருப்புத் தொகைக் கணக்குகளை வைத்திருப்பவர்களும் இதன் தாக்கத்தை உணர்வார்கள்.

வங்கி கணக்குகள் மூடப்படும்

அதேபோல் மூன்று வகையான வங்கிக் கணக்குகள் மூடப்படும் நடவடிக்கைகளை எடுத்துள்ள ஆர்பிஐ தெரிவித்துள்ளது. கடந்த 1 மாதங்களாக இதற்கான பணிகள் நடந்து வருகின்றன. அதன்படி செயல்படாத கணக்குகள் (Dormant), செயலற்ற கணக்குகள் (Inactive) மற்றும் இருப்பு இல்லாத கணக்குகள் (Zero Balance Accounts). முன்னர் ஒரு பரிந்துரைக்கப்பட்ட நபர் மட்டுமே அனுமதிக்கப்பட்ட நிலையில், இப்போது ஒரு கணக்கில் நான்கு பரிந்துரைக்கப்பட்ட நபர்களைச் சேர்க்கலாம்.

பரிந்துரைக்கப்பட்ட நபர்களைச் சேர்க்கும் வசதி, ஒரே நேரத்தில் (Simultaneous) அல்லது அடுத்தடுத்து (Successive) என இரு வடிவங்களில் கிடைக்கும். பாதுகாப்பான வைப்பு லாக்கர்கள் மற்றும் பாதுகாப்பான உடைமைகளுக்கும் புதிய விதிகள் பொருந்தும். கணக்கு வகைகளும், அவை மூடப்படுவதற்கான காரணங்களும் கீழே கொடுக்கப்பட்டுள்ளன.

செயல்படாத கணக்கு (Dormant Account) என்பது இரண்டு வருடங்களாக பரிவர்த்தனை இல்லாத கணக்குகள். செயலற்ற கணக்கு (Inactive Account) என்பது பன்னிரண்டு மாதங்களாக வாடிக்கையாளர் தொடங்கி எந்தப் பரிவர்த்தனையும் செய்யாத கணக்குகள். இருப்பு இல்லாத கணக்கு (Zero Balance Account) என்பது கணக்கு திறக்கப்பட்ட பிறகு நீண்ட காலத்திற்குப் பணப்பரிமாற்றம் இல்லாத கணக்குகள்.

செயல்படாத கணக்கு மூடப்படும்

நீண்ட காலமாக பரிவர்த்தனை இல்லாத கணக்குகள் மோசடி அல்லது தவறான பயன்பாட்டிற்கு ஆளாக நேரிடும் என்று ரிசர்வ் வங்கி கூறுகிறது. எனவே, அத்தகைய கணக்குகளை மூடுவது பாதுகாப்பான வங்கிச் சூழலை உறுதி செய்யும். ரிசர்வ் வங்கியின் புதிய பரிந்துரை விதிகள் நவம்பர் 20, 2025 முதல் அமலுக்கு வருகின்றன.

வங்கிக் கணக்குகள், நிலையான வைப்புநிதிகள், லாக்கர்கள் மற்றும் பாதுகாப்பான உடைமைகளுக்கு வாடிக்கையாளர்கள் நான்கு பரிந்துரைக்கப்பட்ட நபர்களைச் சேர்க்க முடியும். இது குடும்ப உறுப்பினர்களுக்கு கோரிக்கை செயல்முறையை எளிதாக்கும். பரிந்துரையில் இரண்டு முக்கிய விருப்பங்கள் உள்ளன.

வங்கிப் பரிவர்த்தனைகள் சிக்கல்

ஒரே நேரத்தில் பரிந்துரை (Simultaneous Nomination) முறையில் அனைத்து பரிந்துரைக்கப்பட்ட நபர்களுக்கும் ஒரு பங்கு கிடைக்கும். அடுத்தடுத்து பரிந்துரை (Successive Nomination) முறையில் ஒருவர் தகுதி பெற்ற பிறகு மற்றொருவர் தகுதி பெறுவார். இந்த புதிய விதிகளின் மூலம், வங்கிப் பரிவர்த்தனைகள் மற்றும் பரிந்துரைகளில் வெளிப்படைத்தன்மை அதிகரிக்கும்.

இறந்த கணக்கு வைத்திருப்பவர்களின் நிதியை விரைவாகச் சரிசெய்வது, பழைய, செயலற்ற கணக்குகளின் பாதுகாப்பை மேம்படுத்துவது, வங்கி மோசடிகளைக் குறைப்பது போன்ற பலன்கள் கிடைக்கும். வாடிக்கையாளர்கள் கணக்கு பராமரிப்பு குறித்து அதிக விழிப்புணர்வும், பொறுப்புணர்வும் பெறுவார்கள்.

புதிய விதிகள் இன்று முதல் அமலுக்கு வரும். செயலற்ற, செயல்படாத, மற்றும் இருப்பு இல்லாத கணக்குகள் இந்த விதிகளால் பாதிக்கப்படும். நான்கு பரிந்துரைக்கப்பட்ட நபர்கள் வரை அனுமதிக்கப்படுவார்கள். பரிந்துரை வகைகள்: ஒரே நேரத்தில் மற்றும் அடுத்தடுத்து. வாடிக்கையாளர் பாதுகாப்பு, வெளிப்படைத்தன்மை, விரைவான கோரிக்கை செயல்முறை ஆகியவையே இதன் இலக்கு.

மூடப்படும் வங்கி கணக்குகள்

செயலற்ற கணக்குகளை செயல்படுத்துவதும், பரிந்துரைகளை புதுப்பிப்பதும் வாடிக்கையாளரின் பொறுப்பு. கணக்குகளை கண்காணித்து, சரியான நேரத்தில் எச்சரிக்கைகளை அனுப்புவது வங்கியின் பொறுப்பு. நவம்பர் 1 முதல் இதை மூடுவதற்கான நடவடிக்கைகள் எடுக்கப்பட்டு வருகின்றன.

கணக்கு செயலற்ற நிலையில் இருந்தால், அதைச் செயல்படுத்துவதற்கு சிறு பரிவர்த்தனைகளைச் செய்ய வேண்டும். நான்கு பரிந்துரைக்கப்பட்ட நபர்களைச் சேர்க்க வங்கி அல்லது நிதி நிறுவனத்தைத் தொடர்பு கொள்ள வேண்டும். தேவையில்லாத இருப்பு இல்லாத கணக்குகளை மூடுவது நல்லது. அறிவிப்புகளைப் பெற தொடர்பு விவரங்கள் மற்றும் KYC-ஐ புதுப்பித்த நிலையில் வைத்திருக்க வேண்டும்.

ரிசர்வ் வங்கியின் இந்த புதிய விதிகள் வங்கி முறையை மிகவும் வெளிப்படையானதாகவும் பாதுகாப்பானதாகவும் மாற்றுவதற்கான ஒரு முக்கிய படியாகும். சிரமங்களைத் தவிர்க்க, அனைத்து கணக்கு வைத்திருப்பவர்களும் தங்கள் கணக்குகளைத் தவறாமல் சரிபார்த்து, புதிய வழிகாட்டுதல்களைப் பின்பற்ற வேண்டும்.

English summary

RBI Brings new minimum balance rules for the all the bank account types