பர்சனல் லோன், ஹவுஸ் லோன் எடுக்க போறீங்களா? இன்று முதல் சிக்கலாகும்.. அமலுக்கு வந்த புது ரூல்

சென்னை: இனி வாராந்திர அடிப்படையில் Cibil Scoreஐ கடன் தகவல் நிறுவனங்களுக்கு (CICs) அனுப்ப வேண்டும் என்று ஆர்பிஐ உத்தரவிட்டு உள்ளது. கடன் வழங்குநர்கள் கடன் அண்டர்ரைட்டிங் செயல்முறைகளில் Cibil Score அறிக்கைகளை அதிகமாக நம்பி வருவதால் இந்த மாற்றம் அவசியமாகிறது.

வங்கிகள் கடன் வழங்குவதற்கு பொதுவாக சிபில் ஸ்கோரையே நம்பி இருக்கும். ஆனால் இந்த சிபில் ஸ்கோர் எப்படி தீர்மானிக்கப்படுகிறது என்பது யாருக்கும் தெரியாது.

குறைந்த சிபில் மதிப்பெண் பெற்றவர்கள் கடன் அல்லது கிரெடிட் கார்டு பெறவே முடியாது என்று பலர் நினைக்கிறார்கள். ஆனால் அது உண்மை இல்லை. ஒரு தவணையை தவறவிடுவது, புதிய கிரெடிட் கார்டில் அதிக செலவு செய்வது, அல்லது தேதிக்குள் பணம் செலுத்த மறப்பது போன்ற எளிய காரணங்களாலும் மதிப்பெண் குறையலாம். சரியாக செயல்பட்டால் யாரும் தங்கள் மதிப்பெண்ணை மேம்படுத்த முடியும்.

ஆர்பிஐ சிபில் திட்டம்

வங்கிகள் தற்போது இருப்பது போல 15 நாட்களுக்கு ஒருமுறை Cibil Score தகவல்களைச் சமர்ப்பிப்பதற்குப் பதிலாக, இனி வாராந்திர அடிப்படையில் Cibil Scoreஐ கடன் தகவல் நிறுவனங்களுக்கு (CICs) அனுப்ப வேண்டும் என்று ஆர்பிஐ உத்தரவிட்டு உள்ளது. கடன் வழங்குநர்கள் கடன் அண்டர்ரைட்டிங் செயல்முறைகளில் Cibil Score அறிக்கைகளை அதிகமாக நம்பி வருவதால் இந்த மாற்றம் அவசியமாகிறது.

இந்த நடவடிக்கையின் முக்கிய காரணம், கடன் மோசடி செய்பவர்கள் ஒரு கடன் வாராக்கடனாக மாறியதற்கும், அது CIC-க்கு அறிக்கை செய்யப்படுவதற்கும் இடையிலான காலதாமதத்தைப் பயன்படுத்திக் கொள்வதைத் தடுப்பதாகும். அதாவது வாரக்கடன் ரிப்போர்ட் செல்லும் முன் சில அந்த இடைவெளியை பயன்படுத்தி புதிய லோன் எடுக்கிறார்கள். இடைப்பட்ட காலத்தில், இந்தத் தகவல் CIC-யில் credit score புதுப்பிக்கப்படாததால், மோசடி செய்பவர்கள் பிற கடன் நிறுவனங்களிடமிருந்து (CIs) கடன் பெறும் வாய்ப்புகள் உள்ளன. இத தடுக்கவே இனி வாரம் ஒரு முறை Cibil score ரிப்போர்ட்டுகளை CICக்கு அனுப்ப ஆர்பிஐ உத்தரவிட்டு உள்ளதாம்

சிபில் மதிப்பெண் என்பது ஒருவர் கடனை எப்படி நிர்வகிக்கிறார் என்பதைக் காட்டுகிறது. இது 300 முதல் 900 வரை இருக்கும். பொதுவாக 650-க்கு மேல் உள்ள மதிப்பெண் நல்லது என்று கருதப்படுகிறது. மதிப்பெண் எவ்வளவு அதிகமாக இருக்கிறதோ, அவ்வளவு எளிதாகக் கடன் பெறவும், குறைந்த வட்டி விகிதங்களைப் பெறவும் வாய்ப்புகள் அதிகம்.

உங்கள் சிபில் மதிப்பெண்ணை மேம்படுத்துவதற்கான வழிமுறைகள்:

எல்லா நிலுவைத் தொகைகளையும் செலுத்துங்கள்: கையில் பணம் வந்தவுடன், நிலுவையில் உள்ள அனைத்து கட்டணங்களையும் செலுத்துங்கள். உங்களுக்குப் பல கடன்கள் இருந்தால், அவற்றை ஒரே கடனாக மாற்றிக் கொள்வதன் மூலம் சரியான நேரத்தில் திருப்பிச் செலுத்துவது எளிதாகும்.

EMI-களைக் குறைவாக வைத்திருங்கள்: உங்கள் மொத்த EMI உங்கள் மாத வருமானத்தில் 30%-க்கு குறைவாக இருப்பதை உறுதி செய்யுங்கள். இது நீங்கள் வரம்புக்குள் கடன் வாங்குவதைக் காட்டுகிறது.

கடனை முறையாக பயன்படுத்துங்கள்: அதிக புதிய கடன்களுக்கு விண்ணப்பிக்க வேண்டாம். உங்கள் கிரெடிட் கார்டு இருப்பைக் குறைவாக வைத்திருங்கள் மற்றும் எப்போதும் சரியான நேரத்தில் பணம் செலுத்துங்கள்.

வெவ்வேறு வகையான கடன்களைப் பயன்படுத்துங்கள்: கார் அல்லது வீட்டுக் கடன்கள் போன்ற பாதுகாப்பான கடன்களுடன், தனிநபர் கடன்கள் போன்ற பாதுகாப்பற்ற கடன்களையும் பயன்படுத்துங்கள். இது நீங்கள் அனைத்து வகையான கடன்களையும் கையாள முடியும் என்பதைக் காட்டுகிறது.

உங்கள் மதிப்பெண்ணை தொடர்ந்து சரிபார்க்கவும்: உங்கள் சிபில் அறிக்கையை கவனமாகக் கண்காணிக்கவும். தவறுகள் எதுவும் இல்லை என்பதை உறுதிப்படுத்தவும் மற்றும் உங்கள் மதிப்பெண் எவ்வாறு மேம்படுகிறது என்பதைக் கவனிக்கவும்.

சரியான நேரத்தில் பணம் செலுத்துவதன் மூலமும், கடனை கவனமாக நிர்வகிப்பதன் மூலமும், யாராலும் தங்கள் சிபில் மதிப்பெண்ணை மீண்டும் உருவாக்க முடியும். இதன் மூலம் மீண்டும் கடன்களுக்கு தகுதி பெறலாம்.

English summary

RBI new rule makes it difficult for taking loan with new Cibil Credit Score method