குட்டீஸ்களா ஓரம் கட்டுங்க.. பெரியவங்கெல்லாம் வாங்க.. WFH அனுபவங்களை சொல்லுங்க.. ஓடியாங்க!

சென்னை: கொரோனாவைரஸால் வீடுகளே அலுவலகங்கள்..அலுவலகங்களே வீடுகள் என்றாகி விட்டது.

21 நாள் லாக் டவுன் பீரியட் முடியப் போகிறது. ஆனால் அதன் பிறகும் அது தொடரும் என்றே தெரிகிறது. காரணம், நீடித்துதான் ஆக வேண்டும். வேறு வழியில்லை. இன்னும் வைரஸின் கொட்டம் அடங்காமல் தொடர்வதால்தான் இந்த சூழல். எனவே நாமும் மனதளவில் அதற்கேற்ப தயாராக ஆரம்பிப்போம்.. நமது நல்லதுக்குத்தான இதெல்லாம்.

காலம் காலமாக "நான் ஆபீஸுக்குப் போய்ட்டு வரேன்ம்மா/ப்பா/ங்க/டார்லிங்" என்று வீடுகள் தோறும் முழங்கிக் கொண்டிருந்த குரல்கள் இன்று ஓய்ந்து போய் விட்டன. அந்தக் காலை நேர hurry burry அதாங்க அந்த பதட்டம் பரபரப்பும் காணாமல் போய் விட்டது. ஒரு முழு நாள் பரபரப்பை அந்த காலை நேரத்தில் தலையில் கொட்டிக் கொண்டு கொதிக்க கொதிக்க ஓடினோமே.. அந்த அவஸ்தை இப்போது இல்லை. எல்லோருமே வீட்டில் இருக்கிறோம். எல்லோமே நிதானமாகி விட்டது.

கிட்டத்தட்ட 20 நாட்களாகி விட்டது இந்த ஒர்க் பிரம் ஹோம் வேலைக்கு தனியார் நிறுவனத்தினர் மாறி. வீட்டிலிருந்து வேலை பார்க்கும் கலாச்சாரம் பலருக்கு புதிதாக இருக்கலாம். புதிய அனுபவங்களைக் கொடுத்திருக்கலாம். சிலருக்கு அது கஷ்டமாகவும் இருக்கலாம். பலருக்கு ஆச்சரியங்களைக் கொடுத்திருக்கலாம். எல்லாம் கலந்த கலவையாகவே இந்த ஒர்க் பிரம் ஹோம் காணப்படுகிறது.

வீட்டிலிருந்தே வேலை என்று சொல்வது எளிதாக இருக்கும்.. ஆனால் அதை அனுபவித்து வருபவர்களுக்குத்தான் அதன் நிஜமான கஷ்டங்கள் புரியும்.. அலுவலகங்களில் கிடைக்கும் அனைத்து வசதியும் வீட்டில் கிடைக்காது. இப்படி எல்லாவற்றையும் தாண்டித்தான் வேலை பார்த்தாக வேண்டும். அத்தோடு தற்போது வீட்டில் மொத்தக் குடும்பத்தினரும் கூடவே இருப்பதால் டிஸ்டிராக்ஷன் இல்லாமல் வேலை பார்த்தாக வேண்டிய சிக்கலும் உண்டு.

இப்படி பலவிதமான கலவையான அனுபவங்களோடு வீட்டிலிருந்து வேலை பார்க்கும் நமது வாசர்களுக்காகவே இந்த மடல்.. உங்களது அனுபவங்களைச் சொல்லுங்கள்.. கஷ்டமோ நஷ்டமோ ஜாலியோ எதுவாக இருந்தாலும் எங்க காதுல போடுங்க.. நாங்க எல்லோருக்கும் அதை பகிர்ந்து அனைவரிடமும் உங்களது உணர்வுகளைக் கொண்டு செல்கிறோம்.

சமீபத்தில்தான் குட்டீஸ்களின் அனுபவங்களைக் கேட்டிருந்தோம். கலக்கி விட்டனர் செல்லங்கள்.. வந்து குவிந்த அவர்களின் அனுபவங்கள் எல்லாம் மெய் சிலிர்க்க வைத்து விட்டன. இப்போது பெரியவர்களுக்கான டர்ன் (அவங்களும் ஆசைப்படுவாங்கல்ல).

ஸோ, எடுங்க லேப்டாப்பை.. எழுதி அனுப்புங்க மெயிலை.. தமிழிலேயே எழுதலாம்.. ஆங்கிலத்திலும் எழுதலாம்.. எழுத்தோடு புகைப்படம், சிறிய அளவிலான வீடியோ என எப்படி வேண்டுமானாலும் அனுப்பலாம்.. காத்திருக்கிறோம். கொரோனா கால கஷ்டங்களையும், டென்ஷனையும் சற்றே மறக்கலாம்.. கூடவே ஜாக்கிரதையாகவும் இருப்போம்.

அனுப்ப வேண்டிய முகவரி: [email protected]

English summary

The Coronavirus lockdown period is going to be extened after April 15. Let us be relaxed in our homes while working and beat the challenge of the Virus. Write to us about your WFH experiences. Let us unite and fight and win this crisis.