பாவம்.. அவரே கன்பியூஸ் ஆயிட்டாரு.. இந்த டிக்டாக் தொல்லை தாங்க முடியலையே

சென்னை: பாவம்.. அவரே கன்பியூஸ் ஆயிட்டாரு... வந்த சாமியாரை நிம்மதியா சாப்பிடகூட விடல... டான்ஸ் ஆடியே கதி கலங்க வைத்துவிட்டார் ஒரு இளைஞர்!!

இப்போதெல்லாம் டிக்-டாக் என்ற ஆப் மக்களிடையே பிரபலமாகி வருகிறது. இதில், இளசுகள் முதல் பெரிசுகள் வரை தங்கள் கலைதாகத்தை அப்படியே பிழிந்து எடுத்து வருகிறார்கள்.

சில சமயங்களில் சுவாரஸ்ய வீடியோக்களும் வைரலாகி வருகின்றன. அப்படி ஒரு வீடியோ ஒன்றுதான் இது.

விபூதி சாமியார்

அது ஒரு மெஸ் போல தெரிகிறது. கூட்டம் அவ்வளவாக இல்லை. ஒரு பெஞ்சுக்கு ஒருத்தர் என உட்கார்ந்து சாப்பிட்டு கொண்டிருக்கிறார்கள். உடம்பெல்லாம் விபூதியை பூசி, தாடி வைத்த சாமியார் ஒருவரும் சாப்பிட உட்கார்ந்திருக்கிறார். வாழை இலையில் சாப்பாடு பரிமாறப்பட்டிருக்கிறது.

சாம்பார் ஊற்றுகிறார்

அந்த மெஸ் ஓனரா, அல்லது வேறு நபரா என தெரியவில்லை, திடீரென ஒரு டிப்-டாப் இளைஞர் சாமியாருக்கு பக்கெட்டிலிருந்த சாம்பாரை ஒரு கரண்டி எடுத்து இலையில் ஊற்றுகிறார். சாம்பாரை ஊற்றியதும், சாமியாரும் சாப்பிட ஆரம்பிக்கிறார்.

விழித்த சாமியார்

ஆனால் திடீரென அந்த இளைஞர், "கனவிதுதான், நினைவிதுதான்" என்ற பழங்கால பாடலின் ரீ-மிக்ஸ் பாடலுக்கு டான்ஸ் ஆட ஆரம்பிக்கிறார். சாம்பாரையும் ஊற்றிவிட்டு தனக்கு முன்னால் நின்று கொண்டு டான்ஸ் ஆடுவதை பார்த்ததும், சாமியார் விழிக்கிறார். சுற்றுமுற்றும் பார்க்கிறார், எதுவுமே புரியாமல், பயந்தபடியே சாப்பிடுவதை விட்டு எழுந்து விடுகிறார்.

pavam avare confuse aayitaru pic.twitter.com/WNBq0n4XPo

— சத்தியவ🔥தீ (@sathya_52) January 2, 2019

சாப்பிடலாமா? வேண்டாமா?

இளைஞர் டான்ஸ் ஆடி முடிக்கும்வரை, என்ன ஆச்சு, ஏன் இப்படி குத்தாட்டம் போடறார்? சாப்பிடுவதா, வேண்டாமா, அப்படியே ஓடுவதா? என குழம்பியபடியே நிற்கிறார். இந்த வீடியோவை நிறைய பேர் ஷேர் செய்து வருகிறார்கள்.

English summary

Young Man dance before Samiyar in Hotel. This Tic Tak video goes viral now.